Казанда суу спорту боюнча дүйнөлүк чемпионат аяктады

Орусия Федерациясына караштуу Татарстандын борбору Казанда уюштурулган суу спорту боюнча дүйнөлүк чемпионат аяктады.
Эл аралык сууда сүзүү федерациясы тарабынан уюштурулган чемпиондуктун жабылыш аземи 12 миң кишилик Татнефть-Арена стадионунда өткөрүлдү.
Аземге Татарстандын президенти Рүстем Миниханов, Орусиянын премьер-министри Димитрий Медведев, Венгриянын премьер-министри Виктор Орбан, Эл аралык сууда сүзүү федерациясынын төрагасы Хулио Мальоне да катышты.
Шаарда 16 күнгө созулган чемпионатта 190 өлкөдөн 2 миң 923 спортчу 6 категорияда жарыштарга катышты.
Чемпионатта Кытай 15 алтын, 10 күмүш жана 10 коло медалга ээ болуп командалар арасында биринчиликти алды. АКШ 13 алтын, 14 күмүш, 6 коло медалга ээ болуп экинчи болду. Ал эми Орусия Федерациясы 9 алтын, 4 күмүш жана 4 коло медаль менен үчүнчү орунду ээледи.