Азербайжан – Армения ортосунда абал курчуп баратат

Чек арадагы кагылышууларда Азербайжан армиясынан 17 аскер шейит болду. Жараланган аскерлердин дарылануусу үчүн Түркия да аракетке өттү. Биринчи этапта 3 аскер бүгүн кечинде ГАТАга алып келинет.
Азербайжан – Армения фронтунда абал бир жумадан бери оорлошуп баратат. Акыркы болуп бир топ армян аскер Товуз аймагынан Азербайжан буктурмаларына кирүүгө аракет кылган. Ушул окуя боюнча кагылышуу чыкты жана 5 армян аскери каза болду.
Армениянын коргоо министри Сейран Оханян : «Азербайжандын Мингечевир суу сактагычын аткылай алабыз»,- деди. Азербайжандын коргоо министрлиги да жооп катары берген маалыматында : «Мындай кол салуу боло турган болсо Ереванды жер менен жексен кылабыз»,- деди. Бир тараптан абалды басаңдатуу үчүн дипломатиялык аракеттер да улантылууда.
Орусиянын президенти В. Путин Азербайжан жана Армениянын президенттери менен Сочиде ар башка жолугушат. Макулдашуу түзүлө турган болсо 10 – агуст жекшемби күнү үч тараптуу сүйлөшүү өткөрүлөт.