Израиль 36-дивизиясын Ливандын чек арасына жылдырмакчы
Израиль армиясынын радиосунун кабарына караганда бул тууралуу талаштар болгону айтылды.
Израилдин эң чоң дивизиясын Газадан Ливан чек арасына жылдырууну чечкени айтылды.
Израиль армиясынын радиосунун кабарына караганда, жакында Башкы штабда талкуулар болуп, Израиль армиясынын түштүк аймактык командири генерал-майор Ярон Финкельмандын Хамаска каршы аскердик басымды күчөтүү үчүн Израил армиясынын эң чоң үзгүлтүксүз дивизиясы болгон 36-дивизиянын Газа тилкесинин борборунда калышына чакырганы белгиленди.
Операция башкармалыгынын башчысы генерал-майор Одед Басюктун Газадагы 36-дивизиянын ар кандай сценарийге даяр болушу үчүн түндүккө жылдырылышы керек деген ойду ортого салганы белгиленди.
Кабарда башкы штабдын төрагасы Херзи Халеви 36-дивизиянын Газадан чыгарылып, Ливан чек арасына өткөрүлүшүнө чечим чыгарганы баса белгиленди.
2023-жылдын 8-октябрынан бери Израиль армиясы менен Хизбуллах кыймылынын ортосундагы кагылышууда 186 Хизбуллах мүчөсү, 6 Амал кыймылы мүчөсү, 31 ливандык жаран, 6 израилдик жаран жана 10 Израиль аскери каза болгон.
Израилдин 7-октябрдан бери Газа тилкесине кол салууларынан эң аз 12 миңи бала, 8 миң 190у аял болгон 28 миң 176 палестиналык каза болуп, 67 миң 784 киши жараланды.
