БУУдан Украинага 1,5 миллиард долларлык жардам убадасы берилди
БУУ Украинада согуштан жабыркандар үчүн кыска убакытта 1, 5 миллиард доллар жардам убадасынын берилгендигин жарыялады.
![БУУдан Украинага 1,5 миллиард долларлык жардам убадасы берилди](http://cdn.trt.net.tr/images/xlarge/rectangle/eeeb/07ec/5d5a/621f288579539.jpg?time=1719131122)
БУУ Украинада согуштан жабыркандар үчүн кыска убакытта 1, 5 миллиард доллар жардам убадасынын берилгендигин жарыялады.
БУУнун башкы катчысынын басма сөз катчысы Стефан Дужаррик күнүмдүк пресс - жыйынында БУУнун гуманитардык иштер жана чукул жардам координатору Мартин Гриффитстин Украина үчүн муктаж болгон 1, 7 миллиард долларлык жардам чакыруусунун 1, 5 миллиарды үчүн мүчө өлкөлөр жана өнөктөштөрүнөн убада алгандыгын билдирди.
Дужаррик : «Гриффитстин гуманитардык жардам чакыруулары үчүн 1, 5 миллиард доллар убада берилгендигин ырастады. Бул бир гуманитардык жардам чакыруусуна ушул кезге чейине берилген эң ылдам берилген жооптордун бири»,- деди.
Украина калкы үчүн колдоо көрсөткөн мүчө мамлекеттер жана өнөктөштөрүнө ыраазычылык билдирген башкы катчынын басма сөз катчысы : «Ар дайым болгондой эле адамдарды жардам убадаларын ылдам түрдө аткарууга чакыруудабыз»,- деди.
Пресс - жыйынында БУУнун Качкындар боюнча Жогорку комиссарлыгы тарабынан Украинадан эвакуацияланууну күтүп жаткан адамдар үчүн жардам материалдары жүктөлгөн жүк ташуучу унаанын жекшемби күнү баргандыгы жана Дүйнөлүк азык-түлүк программасынын алгачкы жүктөрүнүн Түркиядан жолго чыккандыгы белгиленди.
Дужаррик Адам укуктары боюнча жогорку комиссарлыгынын билдирүүсүнө ылайык Украинада 24 – 28 - февраль арасында 136 жаран каза болуп, 536 адам жарадар болгонун белгиледи.
БУУнун Украинадан Молдовага баш калкалаган 70 миңден ашуун качкындын муктаждыктары менен да алектенгендиги билдирилди.
Тектеш кабарлар
![Песков : "АКШ менен диалогго ачыкпыз"](http://cdn.trt.net.tr/images/medium/rectangle/1617/95cc/d0ae/65fc4002c762d.jpg?time=1719131122)
Песков : "АКШ менен диалогго ачыкпыз"
Песков борбор шаар Москвада журналисттерге күн тартибине байланыштуу маалыматтарды берди.
![Ажылык үчүн Сауд Арабияга барган Иордания, Тунис жана Марокко жараны 144 киши каза болду](http://cdn.trt.net.tr/images/medium/rectangle/a9c0/4f04/ca2a/6635d40d9705e.jpg?time=1719131122)
Ажылык үчүн Сауд Арабияга барган Иордания, Тунис жана Марокко жараны 144 киши каза болду
Жыл сайын он миңдеген адам ыйык жерге расмий каттоодон өтпөстөн ажылык сапарга барууда.