Козу карындан жасалган тамак простат рагын азайтышы мүмкүн

Козу карындын простат рагын азайтары билдирилди.

"Newsweekтин» кабарына караганда иликтөөчүлөр жумада эң аз үч жолу козу карын жеген эркектерде простат рагы рискин төмөндөтөрүн аныктады.

Японияда жүргүзүлгөн бир иликтөөдө жаштары 40 – 79 болгон 36 миң 499 эркек 13 жыл иликтөөгө алынды. Катышуучуларга тамактануу жана турмуштук стили тууралуу суроолор берилди.

Эмгек жумада эң аз үч жолу козу карын менен тамактангандардын простат рагы менен ооруу рискинин жумада бир жолу жегендерге караганда 17 пайыз дагы аз экендигин ортого салды.

Бул катнаштын жумада эки жолу козу карын жегендерде 8 пайыз дагы аз экендиги аныкталды. Ортодогу байланыштын 50 жана андан улуу жаштагы эркектерде дагы айкын болгондугу байкалды.

Эмгек "International Journal of Cancer" журналында жарыяланды.

Иликтөөчүлөр козу карын менен тамактануу менен простат рагынын ортосундагы бул байланыштын кээ бир козу карын түрлөрүнүн антиоксидант өзгөчөлүгүнөн чыгышы мүмкүн экендигине токтолушууда.