Турриальба вулканы кайрадан жанданды

Борбордук Америка өлкөлөрүнөн Коста-Рикада Турриальба вулканы кайрадан жанданды.

Үч күндөн кийин кайрадан күл жана түтүн бүркүй баштаган жанар тоо жашоого терс таасирин тийгизди.

Борбор шаар Сан-Хосеге 50 километр алыстыктагы жанар тоо орто эсеп менен 4 саат бою күл жана түтүн бүркүдү.

Айланасында жашагандар эртең менен тургандарында унааларынын үстүн каптаган күл катмарына туш болушту.

Вулкандан чыккан кара түтүн жана чөйрөсүндөгү аймакка жайылган күлдөр, учак каттамдарын да үзгүлтүккө учуратты.

Жооптуу кызматкерлер борбор шаардагы эл аралык аэропортту убактылуу жапты, жүргүнчүлөр кете албай калышты.

Кара түтүн менен күл аймактагы адамдардын дем алуусун да кыйындатып, ден-соолугу начарларга маска таркатылды.

Көпчүлүгү өчкөн же уктап жаткан көп сандаган жанар тоо орун алган Коста-Рикада Турриальба вулканы активдүү алтысынан бирөөсү.