Украинадан Орусияга протест

Украина Орусия жактоочусу жикчилдерге каршы операциялар жүргүзүлүп жаткан чыгышта эки орус аскеринин кармалуусунан кийин Москвага протест нотун жиберди.
Украинанын тышкы иштер министрлиги Украина жерлеринде орус аскерлеринин болушунун Минск макулдашуусуна жана эл аралык укукка тескери экенин белгиледи. Украина коопсуздук сервиси дарыланып жаткан орус аскерин журналисттерге көрсөттү.
Орус аскерлеринин 16 - майда өлкөнүн чыгышындагы Луганск жакындарында кармалганы, андан кийин дарылануусу үчүн Киевдеги аскердик ооруканага алып келингени билдирилди. Украинанын тышкы иштер министрлиги камалган аскерлер тууралуу териштирүүнүн улантылып жатканын жана эки аскердин коомдук пикирине ачык түрдө соттолорун билдирди. Орус аскерлер согуштук туткун же туткун статусунда соттолбойт, жарандарга жана Украина армиясына каршы террордук кол салуу менен соттолот.
Орусия болсо аскерлер менен сүйлөшүүнү каалаганын билдирди. Ошол эле учурда аймактан жаңы кагылышуу кабарлары келе баштады. Луганскта чыккан кагылышууда 4 Украина аскери каза болуп, 2 аскер да жараланды.