Украинада ок атууну токтотуу бычак мизинде

Украинада өкмөт менен Орусия жактоочуларынын ортосунда 5 – сентябрда кол коюлган келишимге карабастан кагылышуулар бүтпөй жатат. БУУму ок атууну токтотууга кол коюлган күндөн 6 – октябрга чейин болгон кагылышууларда 331 кишинин каза болгонун билдирди. Бул сан Киев башкаруусу маалымдаган расмий сандардын үч эсе көп. БУУнун берген маалыматына караганда ок атууну токтотуу жарыялангандан бери күндө орточо 10 киши каза болду. Бычак мизиндеги ок атууну токтотуунун 2 – ноябрда Орусия жактоочулары тарабынан ишке ашырыла турган жергиликтүү шайлоодо бузулушу күтүлүүдө. Киев башкаруусу болсо декабрь айында жалпы өлкөдө жергиликтүү шайлоого барыларын билдирди.
Украина башкаруусу кагылышуулардын кайрадан башталуусу жана экономикалык кыйынчылыктарга каршы өкмөттөн 2 ысымды Вашингтон жана Брюсселге жиберди. Украина Борбордук банкынын төрагасы Валерия Гонтарева Вашингтондо Эл аралык Акча Фондунун төрайымы Кристина Лагард менен сүйлөштү. Гонтарева Украинага берилүүсү күтүлгөн жардам пакетинин төлөнүүсүнүн алдыга алынуусун суранды. Тышкы иштер министри Павло Климкин болсо Брюсселде Европа Биримдиги жана НАТОнун жетекчилери менен жолугушту. Украинанын чыгышында апрель айында башталган кагылышууларда 3 миң 660 киши каза болуп, 8 миң 766 киши жараланды.