Тикрит шаары ИШИМден кайра кайтарылып алынды
Аль-Иракиеде Ирактын армия бөлүктөрү менен куралчан топтордун ортосунда кагылышуулар болуп 60 куралчан киши каза болгону билдирилди.
Ирактын түндүгүндөгү Салахаддин облусунун губернатору Ахмед Абдуллах ал-Жубури Тикрит шаарынын Ирак-Шам Ислам мамлекети (ИШИМ) уюмунун жол башчылыгындагы куралдуу топтордон кайра алынганын жарыялады.
Губернатор Жубури: «Абадан коштолгон Ирак армиясы төрт тараптан курчап Тикритти ИШИМ баштаган куралчан топтордон кайра алды. Ушул убакта шаардын борборуна атайын күчтөр жайгаштырылган абалда»,-деди.
Бир тараптан Ирактын жарым расмий телеканалы Аль-Иракиеде Ирактын армия бөлүктөрү менен куралчан топтордун ортосунда кагылышуулар болуп 60 куралчан киши каза болгону жана армия бөлүктөрүнүн губернаторлуктун имаратын каратып алганы белгиленди.
Көргөн күбөлөр армия бөлүктөрү менен куралчан топтордун ортосундагы кагылышуулардын түндүк тарапта тыгыздашканын сөз кылышты.
Бир топтон бери болуп жаткан кагылышуулар жана бийлик боштугу болгон өлкөдө, Ирак-Шам Ислам мамлекети (ИШИМ) уюму жана айрым уруу күчтөрү, Мусул, Тикрит, Бакуба жана Телафер шаарларын көзөмөлгө алышкан. Аймактагы Анбар-ын Аль-Каим, Раве, Анех, Ратбе жана Хадисе райондору да ИШИМдин колуна өткөн.
Тектеш кабарлар
Песков : "АКШ менен диалогго ачыкпыз"
Песков борбор шаар Москвада журналисттерге күн тартибине байланыштуу маалыматтарды берди.
Ажылык үчүн Сауд Арабияга барган Иордания, Тунис жана Марокко жараны 144 киши каза болду
Жыл сайын он миңдеген адам ыйык жерге расмий каттоодон өтпөстөн ажылык сапарга барууда.
