فلسطین دن مصرگه چقیریق قیلیندی

فلسطین علاقه و بیلگی تکنالوجیلر وزیری اسحاق صدر، مصرگه محاصره آستیده گی غزه نواری نینگ یقینیده گی علاقه ترماغی استیشنلری نینگ علاقه و رومینگ نینگ کوچه یتیریلیشی بوییچه چقیریق قیلدی.

فلسطین علاقه و بیلگی تکنالوجیلر وزیرلیگی غزه نواریده 5 کون ایچیده ایککینچی مرته انترنیت و علاقه ترماقلری نینگ کیسیلیشیدن بیر نیچه ساعت کیین اجتماعی ترماق آرقه لی یازمه بیانات بیردی.

غزه ده گی فلسطین خلقی بیلن علاقه نی قیته دن برقرار قیلیش اوچون ممکن بولگن برچه امکانیتلرنی قولدن بیرگن لیکلرینی موجود برچه امکانیتلرنی کوردن اوتکزگن لیکلرینی معلوم قیلگن صدر،

"بوندن بویان بیز اوچون بیرته یول بار او هم غزه چیگره سی نینگ یقینیده گی علاقه استیشنلرینی فعال قیلیب و مصر ترماقلریده گی رومینگ خذمتینی کوچه یتیرب تیزلیک بیلن بیر الترناتیف امکانیتی بیریلیشی دیر." دیب ایتدی.

صدر مصرلیک ییتکچیلر چقیریق قیلیب شولرنی ایتدی:

"شونده ی بولیب مصرده گی قرینداشلریمیزگه علاقه نینگ اوزاق مدت کیسیلیشی گه چیدم بولمه گن شو حساس انسانی وضعیتده یگانه فرصتدن فایده لنیش خذمتینی تیزلشتیریش چقیریغیمیزدیر."

فلسطین علاقه شرکتی پالتیل ایرته لب غزه نواریده گی علاقه و انترنیت ترماقلری نینگ بوتونله ی کیسیلیب قالگن لیگینی بیلدیرگندی.

اسرائیل نینگ محاصره آستیده گی غزه نواریگه کوچلی هجوملر طفیلی منطقه ده گی عمومی علاقه ترماغی مبائیل و انترنیت علاقه خذمتلری 27 اکتوبرده هم بوتونله ی کیسیلیب قالگندی.

پالتیل شرکتی ایککی کون کیین غزه ده علاقه و انترنیت خذمتلری نینگ به ترتیب قیته دن بیریلگن لیگینی بیلدیرگندی.