اسرائیل لیک عسکر قرآن کریم نی اوتگه بیردی

غزه نواری نینگ جنوبیده جایلشگن رفح شهری نینگ شرقیده ییقیلیب کیتگن بیر مسجدگه کیرگن اسرائیل لیک عسکر قرآن کریم نی قولیگه آلیب الونینگ ایچی گه تشله دی.

اسرائیل اردوسی نینگ گیواتی غندی گه منسوب ایتزاک بزناح آتیده گی عسکر قرآن کریم نی قولیگه آلیب الوگه تشله گن ویدیو تصویرنی اجتماعی ترماق آرقه لی نشر قیلدی.

قچان ویدیوگه آلینگن لیگی انیق بولمه گن و قیسقه مدت ایچیده اجتماعی ترماقده ییره ب کیتگن تصویر قتّیق قاره لندی.

ناراضیلیکلرنینگ آرتیدن ایتزاک بزناح نینگ انستگرامده گی پروفایل تصویرینی کوتریب تشله گن لیگی و آدرسی نینگ قفل قیلینگن لیگی بیلدیریلدی.

اسرائیل نینگ 7- اوکتوبر دن بیری غزه نواری گه قره ته اویوشتیریب کیلگن هجوملریده حیاتینی یوقاتگن لر سانی نینگ 15 مینگ 103 ته سی باله، 9 مینگ 849 ته سی خاتین – قیز توپلم 35 مینگ 709 نفر گه ییتگن لیگی، یره لنگنلر سانی نینگ 79 مینگ 990 نفرگه ییتگن لیگی بیلدیریلدی.  

قالدیقلر آستیده حلی هم مینگلب اولیک بارلیگی بیلدیریلگن بیاناتده، خلق پناه کیلتیرگن کسلخانه و تعلیم موسسه لری هدف آلینیب ملی آست قوریشلرنینگ تخریب ایتیلگن لیگی بیلدیریلماقده.