مصرنینگ وضعیتی حقیده بیر تحلیل یازووی

مصرنینگ قورقووسیزلیگی

تورکیه بیلن مصر اوزارا مناسبتلرنینگ قیته دن ستراتیژیک شریکلیک که ایلنگن بیر باسقیچ گه کیردی. ایککی اولکه هم توقنه شوودن کوره مشترک منفعتلرنی هدف قیلیب آلگن بیر اراده بار. شونده ی بولیب منطقوی قورقووسیزلیکلر و ایچکی معمالر اساس تشکیل ایترکن اینیقسه مصر جهتیدن تورکیه بیلن مناسبتلرینی توزه تیش اوچون جدی معناده قیینه یه دیگن سببلر بار. مصر کوپلب موضوعده بحران ایچیده. 

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.

مصرده یوزبیرگن حربی تونتروونینگ آرتیدن عبدالفتاح السیسی جمهور باشلیغی اوله راق ینگی بیر رژیم قورگن وضعیتده. درحقیقت بوگون دوام ایتگن بو سیستم مصرده تونتروودن آلدینگه قیتیش نی کورستماقده. حربی باشقرمه لر بیرآز ده قضا باشقرمه لری کبی تورلی بروکراتیک کوچلرنینگ حاکمیتیده بیر سیستم. سیاسی سیستم بعضی بیر قیینچیلیکلر بولسه ده موجودیتی گه دوام ایتتیرگن اصل بحران اقتصاد بوییچه یوزبیرماقده.

مصرنینگ اقتصادی کتته بیر بحران ایچیده. اولکه ده کتته بیر تشقی تجارت کمچیلیگی بار ایکن السیسی نینگ سیستمیده 160 میلیارد دالرلیک بیر قرض یوزه گه چیقدی. مرکز بانکی ذخره سی تشقریدن کیلگنلر بیلن ایاقده تورگن. بیراق تشقی قرض نی توولشده قیینچیلیک بار. مصر آ ی ایم ایف بیلن ستاند بای stand by  کیلیشوویگه باردی و شو وقت آرجنتاین نینگ آرتیدن اینگ قرضدار اولکه وضعیتده. ینگی بیر قرض اوچون آی ایم ایف قیین شرطلر اورته گه قویماقده. اینیقسه اقتصاد بوییچه اردونینگ حاکمیتی استه – سیکین اداغگه ییتکیزیلیشی، پولی پوندنینگ ارزیشینی قولدن بیریشی و ستراتیژیک سکتورلر قاله ویرسه خصوصیلشتیریش طلبلری موضوعلری بار. موجود سیستم بولرنی عملی بولیشینی ممکن قیلمه یدی. کورفز اولکه لریدن هم آلینگن قرضلر حدیدن آشگن وضعیتده ینگی منبع کیریشی هم ممکن ایمس. ینه السیسی تیلگه آلگن سویش کانلیدن قویلگه کیریتیلگن ییللیک 10 ملیارد دالرنینگ کمیده یرمی حوثیلرنینگ هجوملری طفیلی قولدن کیتماقده. مصرلیکلرنینگ آلیش کوچی کنسایین کمه ییب بارماقده. حتی اینگ اساسی نرسه لر قاره بازارگه توشماقده. مصرنینگ پوندی هم رسمی و بازار نرخی اوله راق ایککی نرخدن آلیب – ساتیلماقده.   

جیوپولیتیک جهتیدن کتته ریسکلر بار. مصر بیر تاماندن افریقاده گی توقنه شوو و بحرانلرگه قرشی کوره ش آلیب بارماقده. سودان ده یوزبیرگن ایچکی اوروش مصر اقتصادیگه سلبی تاثیر قالدیرماقده. مهاجر آقینی یوز بیرماقده.  اتیوپیانینگ متجاوز یانداشووی نهده قوغانی آرقه لی مصرنینگ سوو خوفسیزلیگینی تهدید ایتماقده. اسرائیل نینگ غزه گه قره ته نیتی اورته ده ایکن غزه لیکلرنی سیناگه بدرغه ایتیلیشی مصرنینگ ملی خوفسیزلیگینی تهدید ایتماقده.

بونقه بیر فضاده مصرنینگ تورکیه نینگ دوستلیک و ستراتیژیک اورتاقلیگی گه جدی روشده ضرورتی بار کوریله دی. تورکیه جهتیدن هم تورکیه مهم بیر اورتاق. بو ایککی اولکه هم درحقیقت هم تجاری همده جیوپولیتیک منفعتلر جهتیدن بیر بیری گه فایده سی بار.

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.