انرژیده صرفه قیلیش دوری
برنامه
انرژیده صرفه قیلیش دوری
تورکيه دولت سکتوریده صرفه کارلیک چاره لرینی عملگه آشیرماقده. جمعیتنی تشویشگه ساله یاتگن کوپلب ساحه لرده چاره - تدبیرلر عملگه آشیریلماقده. تدبیرلر نینگ مهم قِسمی انرژیدن فایده لنیش بیلن باغلیق...
انرژی و طبيعي منبعلر وزیرلیگی نینگ 2053 ییلگی نال ایمیسسه مقصدلری و صرفلش چاره لری بوییچه مهم چاره - تدبیرلر ریجه سی موجود.
دستور نینگ آتی «2030 ییلگچه ملی انرژی ثمره دارلیگی ستراتیژيسی» دیب اتلگن. ستراتیژي دایره سیده گی حرکت ریجه سی بیلن دولت انرژی خرجتلرینی 30 فایزگچه صرفلش ریجه لشتیریلگن.
اونده 2030 ییلگه کیلیب انرژی صرفینی 16 فایزگه قیسقرتیریش و 100 میلیون تُن چیقیندیلرنی کمه یتیریشگه حصه قوشیش کوزده توتیلگن..
دولت بنالری و کوچه لرنی یاریتیش هم ستراتیژي و حرکتلر ریجه سیگه کیریتیلگن. 2023 ییلگه قدَر دولت بنالری اوچون 15 فایز صرفلش مقصدینی بیلگیله گن وزیرلیک، دولت بنالری نینگ انرژی حسابلریده ییللیک 1،1 میلیارد لیره لیک صرفه کارلیک که ایریشدی. 2024 ییلگه کیلیب صرفلش مقصدی ایکّی برابر آشیریلدی. 2030-ییلگچه دولت بنالریده 30 فایز صرفه کارلیکنی تأمینلش وظیفه سی قوییلدی..
خودّی شونده‌ی، کوچه چیراغ لریده گی لید چیراقلرگه، یعنی عمومي یاریتیشگه کینگ قمراولی اوتیش دستوری باشلندی. 2030 ییلگه کیلیب، عمومي یاریتیشده 1،2 میلیون لید یاریتگیچلر اورنه تیله دی. بو ییرده الکتریک انرژیسینی تقسیملاوچی کمپنیلر و محلي حاکمیت اورگانلری بیلن کیلیشیلگن حالده ایش آلیب باریله دی.
اوشبو ریجه 2024 ییلده عملگه آشیریله باشلندی. فقط 4 آی ایچیده ایریشیلگن صرفه کارلیک مقداری 1 میلیارد 100 میلیون لیره دن آشدی..
وزیرلیک، شونینگدیک، خارجي منبعلرنی، اینیقسه، الکتریک انرژیسینی ایشلب چیقریشنی قیسقرتیریشنی مقصد قیلگن..
بو یونه لیشده ینگی تشبثلر کوتریله یاتگن و قوللب- قوّتلنه دیگن اینگ مهم یونه لیش بو قَیته تیکلنه دیگن انرژی منبعلریدیر.
تورکيه اوتگن ییلی الکتریک انرژیسی نینگ 42 فایزینی قَیته تیکلنه دیگن منبعلردن ایشلب چیقریش آرقه لی جهان اورته چه کورستگیچیدن آشیب کیتدی.
الکتریک انرژیسی نینگ 6 فایزی قویاش، 10 فایزی شمال و 20 فایزی هیدرو انرژی منبعلریدن آلینه دی.
الکتریک انرژیسی نینگ 58 فایزی قازیب آلینه دیگن یاقیلغیدن ایشلب چیقریلگن.
قَیته تیکلنووچی انرژی منبعلریدن فایده لنیشنی کوپه یتیریش بوییچه ینه بیر مهم قدم تشلندی.
انرژی و تاغ - کان ساحه سیگه تیگیشلی قانونلرگه کیریتیلگن اوزگرتیریشلر نتیجه سیده ایچیملیک سووی بیلن تأمینله یدیگن توغانلر، سوو- باتقاق ییرلر و قیرغاق چیزیقلری بوندن مستثنا، سوزووچی قویاش الکتریک استشن لری تشکیل ایتیلیشی ممکن.
بوندن تشقری، دینگیزلرده، توغان کوللریده، صنعي و طبيعي کوللرده انرژی ایشلب چیقریش توربن لری تشکیل ایتیلیشی ممکن.
شونده‌ی قیلیب، قویاش انرژیسی نینگ رولی ینه ده آشه دی و قازیب آلینه دیگن یاقیلغی بیلن الکتریک ایشلب چیقریش کمه یه دی.
جمعیت پولنی صرفلش چاره لرینی کوره یاتگن بولسه - ده، انرژی صرفه کارلیگی اوچون اوی و ایش جایلریده صرفلش هم کتّه اهمیتگه ایگه.
اویلرده و ایش جایلریده انرژی صرفینی کیچیک چاره لر بیلن دییرلی یرمیگه کمه یتیریش ممکن.
خوش، قنده ی چاره لر کوریش کیره ک؟
فایده لنیلمه یاتگن چیراغ لر اوچیریلیشی کیره ک.
انرژینی صرفله یدیگن الکترونیک قوریلمه‌لر و یاریتیش تیزیملری، اینیقسه، لید چیراقلردن فایده لنیش کیره‌ک.
فایده لنیلمه یاتگن الکتریک قوریلمه لرنینگ ساکت‌لرینی چیقریب تشلش کیره‌ک.
رادیاتورلر موبل فرنیچرلر آرقه سیده بولمسلیگی کیره‌ک، اولرنینگ آلدی آچیق بولیشی کیره‌ک.
قیش آیلریده اویلر، ایش جایلری و اولر جایلشگن بنالرنینگ ایشیکلری یاپیق حالده سقلنیشی کیره‌ک.
فاید ه‌لنیلمه یاتگن اتاق لرده الکتریک رادیاتورلرنینگ حرارتی توشیریلیشی کیره‌ک..
ساووتگیچلر 3-5 درجه حرارتده ایشلشی کیره ک.
ساووتگیچ، ایدیش یوویش ماشینلری و کیر یوویش ماشینلری کبی اوی اشیالری ثمره لی ایشلشی اوچون اولرنی تازه سقلشگه اهمیت بیریش کیره ک.
موزلتگیچگه قوییشدن آلدین ایسّیق طعاملرنی ساویشینی کوتینگ. آزیق- طعاملرنی ساووتمسدن موزلتگیچگه قوییش موزلتگیچ نینگ کوپراق انرژی صرفلشیگه آلیب کیله دی..
اگر اوچاقده سوپال یاکه شیشه نرسه لر ایشله تیلسه، حرارتنی 20°c گه کمه یتیریش ممکن..
انرژی صرفه کارلری صفتیده ایش جایی و اوی اوچون ساتیب آلینگن الکترونیک قوریلمه لرگه اوستونلیک بیریش کیره ک.
- کولرگه تخنیکي خدمت کورسه تیشنی اعتبارسیز قالدیرمسلیک کیره‌ک و اتاق حرارتی قیشده 18-20 ° c، یازده 24 ° c درجه ده سقلنیشی کیره ک.
- کولرلر توغریدن - توغری قویاش نوری توشمه یدیگن جایلرگه اورنه تیلیشی کیره ک.
