رئسی نینگ قولب توشگن تیک اوچری و تورک هیداوچیسیز هوا واسطه لری

رئسی نینگ قولب توشگن تیک اوچری و تورک هیداوچیسیز هوا واسطه لری

آذربایجان چیگره سیده علی یف بیلن مشترک توغان نینگ خذمت گه توشیریلیش مراسمی گه قتنشیشی نینگ آرتیدن تبریزگه قیتیش اوچون حرکت قیلدی. ایران جمهور باشلیغی ابراهیم رئیسی بیلن بیر قطارده تشقی ایشلر وزیری حسین امیر عبداللهیان بیلن همراهیده گیلر بولگن تیک اوچرنینگ قولب توشیشی عاقبتیده برچه سی حیاتینی یوقاتدی. تیک اوچرنینگ قولب توشیشی نینگ آرتیدن ایران قوتقروو گروهلری اوزاق مدت حادثه نینگ جایینی تثبیت ایته آلمه دی. تورکیه دن یاردم سوره ش مجبوریتی گه قالدی. تورکیه بو چقیریققه تیزده جواب قیتریب آقینجی درون بیلن قوتقروو اورونیشلریگه قتنشدی. تورکیه نینگ بو آدیمی کتته انعکاس قیلرکن میلیونلب کیشی اناطولی آژانسی و فلایت رادار24 کبی پلاتفورملردن جانلی روشده آقینجی نینگ تیک اوچرنی تاپیش گه اورونیش تصویرینی تماشا قیلدی. تیک اوچرنینگ قولب توشیش سببی حلی هم انیقلنگن یوق.

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.

آذربایجلن جمهور باشلیغی الهام علی یف بیلن ایران جمهور باشلیغی ابراهیم رئیسی ایککی اولکه چیگره سیده قیز قلعه سی و خدافرین توغانلری نینگ خذمت گه توشیریش مراسمینی اوتکزدیلر. آذربایجان چیگره سیده علی یف بیلن مشترک توغان نینگ خذمت گه توشیریلیش مراسمی گه قتنشیشی نینگ آرتیدن تبریزگه قیتیش اوچون حرکت قیلدی. ایران جمهور باشلیغی ابراهیم رئیسی بیلن بیر قطارده تشقی ایشلر وزیری حسین امیر عبداللهیان بیلن همراهیده گیلر بولگن تیک اوچر بیلن علاقه نینگ کیسیلیب قالیشی تیزده خلق ارا مقیاسده علاقه تارتدی. ایران تامانیدن ناانیق معلوماتلر کیلیشی و رئیسی نینگ عاقبتی گه تیگیشلی ناانیقلیک ایش نینگ جدیتینی اورته قویماقده ایدی. نتیجه ده ایران جمهور باشلیغی ابراهیم رئیسی بیلن بیر قطارده تشقی ایشلر وزیری حسین امیر عبداللهیان بیلن همراهیده گیلر بولگن تیک اوچرنینگ قولب توشگن لیگی انیقلندی. ایران دولت باشقرمه لری و قوتقروو گروهلری اوزاق مدت تیک اوچرنینگ جایینی تثبیت ایتمه دی. تورکیه دن یاردم سوره ش گه مجبور بولدیلر.

تورک مدافعه وزیرلیگی تامانیدن بیریلگن بیاناتگه کوره، ایرانلیکلرنینگ علاقه قوریشلری نینگ آرتیدن تیزده منطقه گه کیچه کوره دیگن سیستملری بولمیش تیک اوچر بیلن آقینجی درون سوق ایتیلدی.

آقینجی درون تیزده منطقه گه ییتیب باریب قیدیروو – قوتقروو فعالیتلریگه قتنشدی. آقینجی هم نشر قیلگن ویدیو تصویرلرده منطقه ده هوا شرطلری نینگ جوده یمان ایکن لیگی، طوفان و تومن نینگ ایشلرگه توسیق بولگن لیگی کوریلدی. سات کوم بیلن تورکسات ماهواره لری نینگ هم یاردم ایتیشی نتیجه سیده ترمال و ایریم تصویر آلیش سیستملری بیلن آقینجی رئیسی نینگ قولب توشگن تیک اوچری نینگ قالدیقلرینی تاپیب آلیش گه موفق بولدی و جای نینگ راپورینی ایرانلیک مقاملرگه ییتکیزیب بیردی.

تورکیه نینگ بو آدیمی کتته انعکاس قیلرکن میلیونلب کیشی اناطولی آژانسی و فلایت رادار24 کبی پلاتفورملردن جانلی روشده آقینجی نینگ تیک اوچرنی تاپیش گه اورونیش تصویرینی تماشا قیلدی. تانگ وقتی اوچاق قالدیقلری بولگن جایگه ییتیب بارگن گروپلر تیک اوچرده گی رئیسی قاله ویرسه برچه نینگ حیاتینی یوقاتگن لیگینی بیلدیردی.

سبوتاژ می یاکی اوزی قولب توشگن می؟

رئیسی نینگ تیک اوچری یمان هوا شرطلری طفیلی توشگن می یاکی سبوتاژ بارمی؟ هنوز انیقلنگن یوق. ایرانلیک باشقرمه لر دقتلی شکلده اورونیش آلیب باریب حقیقت نی اورته گه چیقره دی. اگر سبوتاژ بولسه ایلک باشده اسرائیل عیبلنه دی. غزه گه قره ته اشغال حرکتی نینگ آرتیدن ایران بیلن اسرائیل اورته سیده اولاً وکیل عنصرلری آرتیدن توغریدن توغری عسکری توقنه شوولر یوزبیرگندی. بیراق امریکا قوشمه ایالتلری نینگ اسرائیل نی آگاهلنتیریشی بیلن کوپراق بحران یوز بیریشی نینگ آلدی آلینگندی. ایران نینگ کوریلیشده کوچلی هجوملریگه قرشی اسرائیل کتته جواب بیرالمه گندی. اسرائیللیک ییتکچیلر وقتی کیلگنده ایران جوابیمیزنی کوره دی دیگن بیاناتلر بیرگندی. بیراق رئیسی ایش آلگن تیک اوچرنینگ کمیده 30 یاشیده ایکن لیگی، قیین هوا شرطلریده اوچیش اوچون تخنیکی ظرفیت گه ایگه ایمس ایکن لیگی انیق. منطقه ده گی تومن و طوفان نی نظرگه توتگنده بیر حادثه ایکن لیگی احتمالی کوچلی کوریله دی.

سبوتاژمی ایمس می آلیب باریلگن تخنیک تیکشیروولر نتیجه سیده انیقلنه دی. نیمه بولیشیدن قطعی نظر ایران دولتی نینگ ییترلیلیگی جهتیدن جدی تنقیدلر بوله دی. هم تیک اوچرنینگ تخنیک ییترسیزلیگی همده قیدیروو و قوتقروو اورونیشلریده گی ضعیفلیک و تورکیه دن یاردم طلب ایتیش مجبوریتی گه قالیشلری جهتیدن جدی تنقیدلر بوله دی.

موضوع گه تورکیه جهتیدن قره گنده انسانی جهتیدن قوشنیلیک وظیفه سینی قیلگن بیر اولکه کوره میز. ایران نینگ بو یاردم طلبی گه تیزده اولیملی جواب بیریلگن و برچه تخنیک امکانیتلر خذمت گه قوییلگن وضعیتده. شونده قیلیب آقینجی درون و تورکسات ماهواره لری نینگ یوتوقلری هم گلوبال مقیاسده بویوک دقت تارتیب تورک مدافعه صنایعی نینگ ییتیب کیلگن نقطه نی یخشیراق کورستماقده. دنیانینگ تورکیه ییتیب بارگن ظرفیت گه فقط امریکا قوشمه ایالتلری کبی بیر اولکه نینگ صاحب بولیشی ممکن لیگینی ایتیش کیره ک.        

تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.