ایردوغان نینگ قاهره گه تشریفی و تورکیه – مصر یقینلشیشی
تحلیل و تیکشیروو
ایردوغان نینگ قاهره گه تشریفی و تورکیه – مصر یقینلشیشی
میلادی 2013 ییلی مصرده یوزبیرگن عسکری تونترووده تورکیه تامانیدن قتّیق عکس العمل کورستیشی بیلن ایککی اولکه اورته سیده گی مناسبتلر اوزیلیش نقطه سیگه کیلدی. شرقی اورته ییر دینگیزی و لیبیا کبی مسئله لرده هم جدی شکلده کیلیشماوسیزلیک یوزبیردی. بیراق سونگگی ییللرده تامانلر ینگی بیر یانداشوو بیلن مناسبتلرنی توزه تیش اوچون آدیملر آتیش گه باشله دیلر. ایردوغان بیلن السیسی ایلک مرته قطرده اوچره شوو اوتکزدی. ایندی ایسه ایردوغان قاهره گه تشریف بیوردی. ایککی اولکه مناسبتلری یخشی بولیب باررکن کوپلب معمالی موضوعلر تیلگه آلینه دی.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
مصرده یوزبیرگن تونتروو تورکیه بیلن مصر مناسبتیده چقور تاثیر قالدیرگندی. تورکیه دولتی جمهور باشلیغی ایردوغان نینگ ییتکچیلیگیده مصرده گی تونترووگه بلکه ده دنیا مقیاسیده اینگ کوچلی عکس العمل کورستگن بولدی. ایککی اولکه مناسبتلری جدی روشده سلبی تاثیرلنر ایکن کوپلب مهم دوسیه ده ایسه کیلیشماوسیزلیک یشش گه باشله دیلر. تامانلر اورته سیده یوتقازیش نقطه سیگه کیلدی. شرقی اورته ییر دینگیزیده لیبیاده و کوپلب جایده بو بحران نینگ ایزلرینی کوریش ممکن. بیراق ایککی اولکه هم تحریکلر ایترکن بو بحراننی کوپ دوام ایتتیرمسلیک قرارینی قبول قیلیب آلدی. درحقیقت تورکیه بیر نیچه ییلدن بیری منطقوی نورماللشوو قدریتلری بیلن معماگه دوچ قالگن اولکه لر بیلن مناسبتینی توزه تیش گه اوروندی. سعودی عربستان بیلن بیرلشگن عرب امیرلیکلری بولردن عبارت. بو آلغه باریشلر تورکیه – مصر مناسبتلریگه هم مثبت تاثیر قالدیرگن گه اوخشه یدی. تورکیه بیلن مصر اورته سیده تخنیکی سویه ده اوچره شوولر اوتکزووچی هیئاتلر گروهی ایجاد ایتیلدی، کیین ایردوغان بیلن السیسی قطرده گی فوتبال بیلله شوولری دایره سیده اوچره شیب بیرینچی مرته قول بیردیلر، ایندی ایسه ایردوغان گاوجوم بیر هیئات بیلن قاهره گه تشریف بیوردی.
مصر جهتیدن قره گنده اینیقسه دوچ قالگن اقتصادی بحران نینگ بویوک بیر تحدید ایکن لیگینی کوره میز. آلدین پانمدیمی آرتیدن اوکراین – روسیه اوروشی مصرگه جدی معناده تاثیر قالدیردی. شونده ی بولیب اسرائیل نینگ غزه گه قره ته هجوملری و احتمالی تاثیرلری هم مصرنینگ اقتصادیگه سلبی تاثیر قالدیرگن وضعیتده. حوثیلرنینگ قیزیل دینگیزنی یاپیب قوییشی هم بونگه سبب بولدی. جوده حساس بولگن اردونینگ کنترولیده گی مصرنینگ اقتصادی جدی بیر خارجی قرض تولش بحرانی گه دوچ قالگن وضعیتده. آ ی ایم ایف بیلن ستاند بای stand by اوچره شوولری هم قانیقرلی آلغه بارمه یاپتی. اورته چه مصر خلقی قیین وضعیتده. مصر بیر تاماندن افریقاده گی توقنه شوو و بحرانلرگه قرشی کوره ش آلیب بارماقده. سودان بو اولکه لردن بیرته سی. اتیوپیانینگ متجاوز یانداشووی نهده قوغانی آرقه لی مصرنینگ سوو خوفسیزلیگینی تهدید ایتماقده. اسرائیل نینگ غزه گه قره ته نیتی اورته ده ایکن غزه لیکلرنی سیناگه بدرغه ایتیلیشی مصرنینگ ملی خوفسیزلیگینی تهدید ایتماقده.
بونقه بیر فضاده مصرنینگ تورکیه نینگ دوستلیک و ستراتیژیک اورتاقلیگی گه جدی روشده ضرورتی بار کوریله دی. تورکیه جهتیدن هم تورکیه مهم بیر اورتاق. افریقاگه آچیلگن بیر ایشیک سنله دی، شرقی اورته ییر دینگیزی و لیبیاده گی سیاست نینگ ایچیده بویوک بیر متفق بولیش ظرفیتی بار. بو ایککی اولکه هم درحقیقت هم تجاری همده جیوپولیتیک منفعتلر جهتیدن بیر بیری گه فایده سی بار.
بناً تاریخی مناسبتلر خلقلرارا صمیمیت و مشترک منفعتلرنینگ ایککی اولکه اورته سیده گی مناسبتلرنینگ قیته دن ستراتیژیک اورتاقلیک سویه سیگه ییتکیزیش اوچون جوده مهم بوله دی. ایردوغان نینگ قاره گه تشریفی بونی عملاً کورستماقده.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
