ایران اونلب اولکه اوچون ویزه نی کوتریب تشلش قرارینی قبول قیلیب آلدی

ایران توریزم نی جانلنتیریش مقصدی بیلن 4 جنوری (15 دلو) تاریخیدن باشلب 28 اولکه گه بیر تامانلمه روشده ویزه لرنی کوتریب تشله دی.

ایران رسمی خبر آژانسی ایرنا خبر بیریشیچه، تشقی ایشلر وزیری اورینباسری علی رضا بیگدلی، بعضی بیر اولکه لرنینگ وطنداشلری اوچون ایران گه توریزم مقصدی بیلن بیر تامانلمه روشده ویزه نی بیکار قیلینیشی بوییچه لایحه نینگ تیکیشلی باشقروولرگه جونه تیلگن لیگینی بیلدیردی.    

بیگدلی ویزه بیکار قیلینگن اولکه لرنینگ سعودی عربستان، قطر، بیرلشگن عرب امیرلیکلری، بحرین، کویت، ازبیکستان، قرقزستان، تونس، تانزانیا، موریتانی، زیمبابوه، جاپان، اندونزیا، سنگاپور، ویتنام، کامبوجیا، برونئی، برازیل، مکسیکو، پرو، کرواسی، صربستان، بوسنی و هرزه گوین، بلاروس و هندوستان کبی 28 اولکه دن عبارت ایکن لگینی معلوم قیلدی.

ایرانلیک ییتکچی اوشبو اولکه لردن هندوستان وطنداشلری نینگ ایران گه هوا یولی آرقه لی ویزه سیز سیاحت ایتیشلری نینگ ممکن ایکن لیگینی بیراق ییردن کیلگن تقدیرده ویزه آلیشلری کیره ک لیگینی افاده ایتدی.

بیگدلی "شونده ی بولیب بو 28 اولکه نینگ وطنداشلری توریستیک مقصد بیلن 15 دلو (2024 ییلی 4 فبروری) تاریخیدن باشلب ایرانگه سیاحتلریده ویزه گه کیره ک قالمه یدی." دیدی.