تورکیه – اوزبیکستان جمهور باشلیغلری اوزارا اوچره شوو اوتکزدی
اوزبیکستان جمهور باشلیغی شوکت میرضیایف رسمی سفر آرقه لی تورکیه گه تشریف بیوردی
تورکیه جمهور باشلیغی رجب طیب ایردوغان، اورته آسیانینگ قلبیده جایلشگن اوزبیکستان نینگ اهمیتی نینگ منطقوی و گلوبال اولچکده کوچه ییب بارگن لیگینی ایتدی.
اوزبیکستان جمهور باشلیغی میرضیایف رسمی سفر آرقه لی تورکیه گه تشریف بیوردی.
جمهور باشلیغی رجب طیب ایردوغان رسمی سفر آرقه لی پایتخت انقره گه تشریف بیورگن اوزبیکستان جمهور باشلیغی میرضیایف بیلن یوزمه یوز اوچره شوونینگ آرتیدن مشترک مطبوعاتی کنفرانس اویوشتیردی.
ایردوغان جنابلری، اوچره شوولرده تجارت، ترانسپورت، انرژی، زراعت، تعلیم و مدافعه صنایعی کبی موضوعلرده آتیله دیگن انیق آدیملرنی تیلگه آلگن لیکلرینی معلوم قیلیب کوپلب کیلیشووگه هم قول قویگن لیکلرینی افاده ایتدی.
بو کیلیشوولرنینگ ایککی اولکه اورته سیده همکارلیک نی تورلیلشتیریش امکانیتینی کوپه یتیریب کیلیشوو زمینه سینی کوچه یتیریشی گه دقت تارتگن ایردوغان 37 میلیونگه ییتگن یاش و کوچلی نفوسی بیلن اورته آسیانینگ قلبیده جایلشگن اوزبیکستان نینگ اهمیتی نینگ هرکونی منطقوی و گلوبال اولچکده کوچه ییب بارگن لیگینی ایتدی.
مهمان جمهور باشلیغی میرضیایف نینگ ینگی اوزبیکستان اوچونچی رونسانس پروژه سی بیلن اوز اولکه سیگه ایریم بیر غایه کیریتگن لیگینی قید ایتگن ایردوغان شولرنی تیلگه آلدی:
"انرژیدن زراعت گچه کینگ بیر ساحه ده کیریتگن اقتصادی ینگیلیکلر بیلن اوزبیکستان نی رواجلنتیردی. اوزبیکستان نی یوکسک سویه گه ییتگن کوچ وضعیتی گه کیلتیرگن شوکت ایناغم نی یوراکدن قوتله یمن." دیدی.
اوزبیکستان جمهور باشلیغی شوکت میرضیایف ایسه، ایردوغان نینگ ییتکچیلیگیده تورکیه ده خلق نینگ تینچ لیگی نینگ، اولکه نینگ سیاسی، اقتصادی و عسکری کوچ بیلن ظرفیتی نینگ خلق ارا مقیاسیده بارلیگینی کوچه یتیریش جهتیدن بویوک اورونیشلر آلیب بارگن لیگینی قید ایتدی. تورکیه نینگ گلوبال مقیاسده گی یوتوقلری طفیلی فخرلنگن لیکلرینی تیلگه آلدی.
تورکیه جمهور باشلیغی ایردوغان نی اوزبیکستان گه چقیرگن لیگینی معلوم قیلیب جوده مهم منطقوی موضوعلر بوییچه اوزارا فکر المه شووی عملگه آشیرگن لیکلرینی افاده ایتدی.
میرضیایف خلق ارا مقیاسده بیر بیرلرینی قوللب – قوتله گن لیکلرینی، بیرلشگن ملتلر تشکیلاتی، اسلام همکارلیک تشکیلاتی، تورک دولتلری تشکیلاتی کبی پلاتفورملرده هم همکارلیک نی کوچلی بیر شکلده آلیب بارگن لیکلرینی ایتدی.
