ایران ده بیر کسلخانه ده یانغین یوزبیردی

اوشبو یانغین عاقبتیده کوپلب کیشی حیاتینی یوقاتدی

2153871
ایران ده بیر کسلخانه ده یانغین یوزبیردی

ایران ده بیر کسلخانه ده یوزبیرگن یانغین عاقبتیده 9 کیشی اولدی، 15 کیشی یره لندی.

ایران نینگ شمالیده جایلشگن رشت شهریده گی قائیم کسلخانه سیده محلی وقت بیلن کیچه لب ساعت 01:15 ده یانغین یوزبیرگن لیگی بیلدیریلدی.

اطفائیه و یاردم گروهلری سوق ایتیلگن خوددی شو یانغین نینگ اوزاق اورونیشلر نتیجه سیده اوچیریلگن لیگی قید ایتیلدی.

گیلان طب عالی بیلیم یورتی باشلیغی محمد تقی آشوبی یانغین گه تیگیشلی بیرگن بیاناتده، "یانغین یوزبیرگن پیتده 250 یتاقلی کسلخانه ده 142 ته کسل بار ایدی و 33 کسل کوما بولیمیده تداوی آستیده ایدی. افسوسکی یانغین عاقبتیده 9 کیشی کسل حیاتینی یوقاتدی، 15 کیشی یره لندی." دیدی.       

آشوبی 118 ته کسل نینگ ایریم کسلخانه لرگه ییتکیزیلگن لیگینی معلوم قیلیب کسللرنینگ آلیب باریلگن کسلخانه لرده تداویلریگه دوام ایتیلگن لیگینی تیلگه آلدی.

یانغین سببی حلی گچه انیقلنمه گن لیگی، بیراق حادثه گه تیگیشلی تیرگاو باشله تیلگن لیگی قید ایتیلدی.  



علاقه لی ینگی لیکلر