روس اردوسی منسوبی بولگن ایکّی نفر هندوستانلیک حیاتینی یوقاتدی

اوشبو توغریده هندوستان تشقی ایشلر وزیرلیگی تامانیدن یازمه بیانات بیریلدی

2151972
روس اردوسی منسوبی بولگن ایکّی نفر هندوستانلیک حیاتینی یوقاتدی

هندوستان, روس اردوسی منسوبی بولگن ایکّی نفر تبعه سی نینگ اوکراینده حیاتینی یوقاتگن لیگینی بیلدیردی. 

هندوستان تشقی ایشلر وزیرلیگی تامانیدن بیریلگن یازمه بیاناتده, "افسوس که روسیه بیلن اوکراین اورته سیده دوام ایتیاتگن اوروشلرده, روس اردوسی منسوبی بولگن ایکّی نفر هندوستان وطنداشی نینگ اولدیریلگن لیگینی ایشیتگن وضعیتده میز.  اولگن اوشبو کیشی لرنینگ عایله لری گه قیغوداشلیک بیلدیره میز" دییه قید ایتیلدی. 

بیاناتده, هندوستان نینگ مسکو سفارتی نینگ روس مقام لری دن اولگن اوشبو کیشی لر نینگ جسد لری نینگ هندوستان تامانی گه تاپشیریلیشی نی طلب قیلگن لیگی بیلدیریلدی. 

روسیه نینگ هندوستان وطنداش لرینی عسکرلیککه آلمسلیگی و عسکرلیکده گی لرنینگ آزاد ایتیلیشی طلب قیلینگن بیاناتده, "عینی دمده هندوستان وطنداش لری میز نینگ روس اردوسی تامانیدن عسکرلیککه آلینیشی نینگ توخته تیلیشی طلب ایتیلدی.  بونده ی فعالیت لر اورتاق لیگی میز گه اویغون بولمه یدی" دییه قید ایتیلدی. 

عینی دمده بیاناتده, هندوستان تبعه لری نینگ هم روسیه ده گی ایش اعلان لری بوییچه احتیاط بولیشی توصیه قیلیندی. 

هندوستانده ترقه تیلگن خبرلرگه کوره, روس اردوسیده 200 گه یقین هندوستانلیک وظیفه اجرا قیلماقده. 



علاقه لی ینگی لیکلر