ایندی ایران وطنداشلری نینگ عمره قیلیشلری ممکن

تهران بیلن ریاض نینگ دیپلوماتیک مناسبتلرنی قیته دن تیکله گنی نینگ آرتیدن ایرانلیکلر 8 ییل آره دن کیین ایلک مرته عمره قیلیش اوچون سعودی عربستان گه باره دی.

ایران وطنداشلری 19 دسامبردن اعتباراً سعودی عربستان گه سیاحت قیلیش گه باشله یدی.

ایران نینگ یریم خبر آژانسی بولمیش فارس خبر آژانسی ایران ده گی 10 قونلغه دن اوچه دیگن اوچاقلرنینگ مکه گه عمره حج اوچون باره دیگن ایرانلیکلرنی تشیشیدن خبر بیردی.

میلادی 2016 ییلیدن بیری ایرانلیکلرنینگ فقط فرض حج نی ادا قیلیش اوچون سعودی عربستان گه سیاحت قیلیشلری ممکن ایدی. ایندی ییل نینگ هر پیتیده سفر قیلیشلری و عمره قیلیشلری ممکن.

ایران بیلن سعودی عربستان اورته سیده دیپلوماتیک مناسبتلر 2016 ییلی ریاض نینگ شیعی بیر دین عالمینی اعدام ایتیشی و آرتیدن تهران ده گی سعودی عربستان بویوک ایلچیلیگی گه باسقین اویوشتیریلیشی طفیلی توخته لیب قالگندی.