ایران اونلب اولکه اوچون ویزه نی کوتریب تشلش قرارینی قبول قیلیب آلدی

ایران توریزم سکتورینی جانلنتیریش مقصدی بیلن 32 اولکه اوچون بیر تامانلیک ویزه نی کوتریب تشلش قرارینی قبول قیلیب آلدی.

ایران رسمی خبر آژانسی ایرنا خبر بیریشیچه مدنی میراث، قول صنعتلری و توریزم وزیری عزت الله ضرغامی پایتخت تهران ده اویوشتیریلگن کابینه جلسه سی نینگ آرتیدن موضوع گه تیگیشلی بیانات بیرگن.

وزیرلیک تامانیدن توریزم نی جانلنتیریش مقصدی بیلن بعضی بیر اولکه لر بیلن ویزه لرنی بیر تامانلیک کوتریب تشلش اوچون حکومت گه تکلیف بیرگن لیکلرینی تیلگه آلگن.

ضرغامی "توریزم وزیرلیگی نینگ انیقلنگن اولویتلرگه قره ب 32 اولکه گه ویزه نی بیر تامانلیک آزاد قیلیش تکلیفی وزیرلر کینگشی تامانیدن تصدیقلندی." دیگن.

حکومت نینگ تکلیف نی قبول ایتیب "اولکه نینگ ایشیکلرینی دنیاگه آچیش قراری آلگن لیگینی" معلوم قیلگن ضرغامی "بو حکومت تامانیدن آلینگن جوده جسور و عاقلانه بیر قرار ایدی. وزیرلیک اوله راق بیزنینگ ایشیمیز دنیا انسانلری بیلن... و بو بیر تامانلیک ویزه نی کوتریب تشلش قراری درحقیقت دنیا انسانلری بیلن صحبت قیلیش معناسیگه کیله دی." دیب ایتگن.

ایرانلیک وزیر بیر تامانلیک ویزه نی کوتریب تشلش قراری آلینگن 32 اولکه نینگ قیسی اولکه لردن عبارت ایکن لیگی حقیده معلومات بیرمه گن.

تهران باشقرووی 2019 ییلی جون آییده چینلیک سیاحلر اوچون بیر تامانلیک ویزه نی کوتریب تشلش قرارینی قبول قیلیب آلگندی.