پاکستان: قره باغ آذربایجان نینگ توپراغی

پاکستان, قره باغ نی آذربایجان نینگ توپراغی اوله راق قبول قیلگن لیگینی بیلدیردی. 

پاکستان تشقی ایشلر وزیرلیگی سوزچیسی ممتاز بلوچ, پایتخت اسلام آبادده بیرگن بیاناتیده, اولکه سی نینگ آذربایجان نینگ ارضی تمامیتی نی انیق روشده حمایت قیلیاتگن لیگینی ینه بیر بار تکرارلب اوتدی. 

سوزچی, اولکه سی نینگ قره باغ نی آذربایجان توپراغی اوله راق قبول قیلگن لیگینی بیلدیررایکن, "اوشبو سیاستی میز, کوپلب بیرلشگن ملتلر تشکیلاتی خوفسیزلیک کینگشی و اسلام همکارلیک تشکیلاتی قرار لری دن تشقری, خلق ارا حقوققه هم جدی بیر شکلده اویغوندیر" دییه قید ایتدی. 

سوزچی, آذربایجان نینگ ارضی تمامیتی بیلن علاقه لی مشروع طلبی نینگ برچه تامان لر طرفیدن قبول قیلینیشی و منطقه ده قالووچی بیر تینچلیک نینگ اورنه تیلیشی نی آرزو قیلیاتگن لیک لرینی بیلدیردی. 

بلوچ, پاکستان نینگ, اوشبو اولکه حدود لریده یوز بیرگن ماین پارتلش لری عاقبتیده حیاتینی یوقاتگن کیشی لر اوچون آذربایجان خلقی و حکومتی گه صمیمی بیر شکلده قیغوداشلیک بیلدیرگن لیگینی معلوم قیلدی.