پاکستاندن تورکیه گه منتدارچیلیک بیلدیریلدی

پاکستان، اولکه قیینچیلیک که دوچ قالگن پیتده تورکیه تامانیدن جونه تیلگن "یخشیلیک ریلی" اوچون منتدارچیلیک بیلدیردی.

پاکستان تشقی ایشلر وزیرلیگی سوزچیسی آثم افتخار احمد تامانیدن نشر قیلینگن منتدارچیلیک پیامیده، تورکیه بیلن پاکستان نینگ تاریخ بویلب قیینچیلیک که قالگنده بیر بیرینی قوللب – قوتله گن لیگی گه دقت قره تدی.

احمد "ایککی اولکه اورته سیده گی کوچلی مناسبتنی کورستگن بو یوراگی بای یانداشوونی یوراکدن تقدیرله یمیز" دیب ایتدی.

باش وزیر شهباز شریف ایسه تویتر آرقه لی بیرگن بیاناتده،

"حرمتلی قرداشیم رجب طیب ایردوغان ، سیلدن سلبی تاثیرلنگنلر اوچون یاردم فعالیتلریگه باشچیلیک قیله دی. تورکیه کتته بیر یاردم فعالیتی باشلتدی. حلی گچه 6 ته اوچاق ییتیب کیلدی، 2 اوچاق ایسه بوگون. یاردم موادلرینی تشووچی ریل، انقره دن پاکستان گه قره ب جونه دی" دیب ایتدی.

آفت و عاجل وضعیتلر باشقرووی نینگ باشچیلیگیده فعالیت گه باشله گن نادولت تشکیلاتلرنینگ یاردمی بیلن تیارلنگن انسانی یاردم موادلری، پایتخت انقره دن پاکستانگه قره ب یولگه قوییلدی.

شونده ی بولیب پاکستانده 11 جوندن بیری باشله گن موسون یامغیرلری عاقبتیده اولگنلر سانی 1162 گه ییتدی. یره لنگنلر سانی ایسه 3554 گه ییتدی.

پاکستان ملی آفت باشقروو آژانسی NDMA نینگ راپوریگه کوره اولکه ده سونگگی 24 ساعتده 36 کیشی اولگن.

شونده ی بولیب خوددی شو یاغینگرچیلیکدن 33،4 میلیون کیشی سلبی تاثیرلنگن.