جمهوررئیس اردوغان ایران گه تشریف بویوره دی

تورکیه جمهوریتی جمهوررئیسی رجب طیب اردوغان, ایران لیک کسبداشی ابراهیم رئیسی نینگ دعوتی گه بناً ایران گه تشریف بویوره دی. 

تورکیه جمهوررئیسلیک ارتباط لر باشقرمه سی تامانیدن بیریلگن بیاناتگه کوره, اوشبو رسمی سفر دایره سیده, جاری آی نینگ 19- کونیده تهران ده اردوغان و رئیسی باشچیلیگیده تورکیه- ایران عالی همکارلیک کینگشی 7- ییغیلیشی بولیب اوته دی. 

اوشبو ییغیلیش دایره سیده, تورکیه- ایران مناسبت لری و ایکله اولکه اورته سیده گی همکارلیک نینگ رواجلنتیریلیشی باره سیده بحث ایتیله دی. 

بولیب اوته دیگن اوچره شوو لرده, منطقه و خلق ارا مقیاسده گی مسئله لر حقیده سوز یوریتیله دی. 

عینی دمده جمهوررئیس اردوغان خوددی شوو کون نینگ اوزیده روسیه جمهوررئیسی ولادیمیر پوتین نینگ هم اشتراکی بیلن جمهوررئیس رئیسی میزبانلیگیده بولیب اوته دیگن '7- آستانه اوچ تامانلمه رهبر لر ییغیلیشی' گه هم اشتراک ایته دی. 

رهبر لر ییغیلیشیده, سوریه ده گی ینگیلیک لر, اوشبو اولکه ده گی پ.ک.ک- وای پی جی و داعش کبی منطقه نی تهدید ایتیاتگن ترور تشکیلات لری گه قرشی کوره ش, سیاسی ییچیم یولی گه قره تیلگن سعی و حرکت لر, بشری وضعیت و سوریه لیک لرنینگ کونگیللی بیر شکلده اولکه لری گه قیتیب کیتیشی کبی موضوع لر باره سیده بحث ایتیلیشی کوتیلماقده. 

جمهورئیس اردوغان اوشبو رهبر لر ییغیلیشی دایره سیده روسیه لیک کسبداشی بیلن هم صحبت قیله دی.