تورکیه – پاکستان اورته سیده مشترک حربی سینش آلیب باریلماقده

تورکیه – پاکستان اورته سیده آلیب باریلگن "آتاتورک سینشی 2021" خیبر پختونخواه ایالتی گه باغلیق تابلا منطقه سیده بر مراسم آرقه لی باشله دی.

,پاکستان اردوسی علاقه باشقروویدن بیریلگن بیاناتده ایککی اولکه نینگ قوراللی کوچلری اورته سیده اوتکزیله یاتگن مشترک حربی سینش نینگ اوچ هفته دوام ایته جگی بیلدیریلدی.

بیاناتده حربی سینش نینگ ایککی قرداش اولکه اورته سیده گی مناسبت نی ینه ده کوچلی راق قیله جگی اورغولندی.

تورکیه ملی مدافعه وزیرلیگی تامانیدن 4 جنوریده بیریلگن بیاناتده تورکیه – پاکستان مشترک کوماندو و خاص کوچلر حربی سینشی نینگ 4-20 فبروریده پاکستانده اجرا ایتیله جگینی معلوم قیلگندی.

تورکیه – پاکستان مشترک کوماندو و خاص کوچلر حربی سینشی 1998 – ییلدن بیری ایککی اولکه اورته سیده ایککی تامانده اجرا ایتیلماقده.

حربی سینش تورکیه ده اجرا ایتیلگنده "جناح حربی سینشی" پاکستانده اجرا ایتیلگنده ایسه "آتاتورک حربی سینشی" دیب اتلماقده.