ایران ده بوگون ملی عزا اعلان ایتیلدی

ایران حکومتی نینگ سوزچیسی علی ربیعی, اجتماعی ترماق آرقه لی بیرگن بیاناتیده, قاسم سلیمانی نینگ اوتگن کون بولیب اوتگن جنازه مراسمی ده 56 کیشی و توناون تهران ده قولب توشگن اوکراین هوا یوللری یولاوچی طیاره سی ده 176 نفر نینگ اولگن لیگی سببلی بوگون ملی عزا اعلان ایتیلگن لیگی نی معلوم قیلدی. 

امریکا قوشمه ایالتلری نینگ هجومی نتیجه سیده اولدیریلگن ایران انقلاب محافظ لری اردوسی گه باغلیق قدس کوچی نینگ قوماندانی قاسم سلیمانی نینگ کرمان ده گی جنازه سیده ازدحام سببلی 56 کیشی جان بیررایکن, 213 نفر ایسه یره لنگن ایدی. 

اوکراین هوا یوللری گه عاید بوینگ 737 طیاره سی نینگ تهران ده گی امام خمینی هوا قونلغه سیدن اوچیشی دن قیسقه بیر مدت کیین قولب توشیشی عاقبتیده ایسه 176 کیشی جان بیرگن ایدی.