هندوستان ده قوراللی توقنه شوو عاقبتیده کوپلب کیشی جان بیردی و یره لندی

هندوستان نینگ جمو کشمیر منطقه سیده, خوفسیزلیک کوچلری بیلن مقاومتچی لر اورته سیده یوز بیرگن توقنه شوو عاقبتیده بیر عسکر جان بیررایکن, 3 مقاومتچی بیلن عادی اهالی دن بیر کیشی یره لندی.

هندوستان مطبوعاتی, خوفسیزلیک کوچ لری نینگ دولیپورا قشلاغیده گی عملیاتی جریانیده یوز بیرگن توقنه شوو عاقبتیده اوچ مقاومتچی بیلن 1 حربی نینگ جان بیرگن لیگی نی بیلدیردی. 

اوروش نینگ اورته سیده قالیب کیتگن عادی اهالی دن بیر کیشی نینگ جان بیرگن لیگی نی بیلدیرگن پولیس, توقنه شوو جریانیده ایککی حربی بیلن بیر ملکی نینگ ایسه یره لنگن لیگی نی معلوم قیلدی. 

حادثه محللیده مقاومتچی لرنینگ سلاح لری نینگ قولگه کیریتیلگن لیگی نی معلوم قیلگن پولیس, عملیات نینگ دوام ایتیاتگن لیگی نی بیلدیردی. 

منطقه ده انترنت نینگ اوچیریب قویلگن لیگی بیلدیریلدی. 

باشقه بیر تاماندن ایسه, منطقه یشاوچی لری حربی لرنینگ منفجره مواد دن فایده له نیب عادی اهالی نینگ اوی لری گه ضرر بیرگن لیگی نی معلوم قیلدی.