هندوستان ده مسلمان بیر عایله اوز اوییده هجومگه دوچ کیلدی

هندوستان نینگ شمالیده مسلمان بیر عایله, اوز اوییده قوللریده تیاق و تیمیر بولگن بعضی کیشی لرنینگ هجومی گه دوچ کیلدی. 

هندوستان تایمز روزنامه سی, اوتگن هفته ده هندو لرنینگ هولی فستیوالی نینگ بولیب اوتگن هاریانا ایالتیده گی گُروگرام منطقه سیده, قوللریده تیاق و تیمیر بولگن 20 الی 25 کیشی نینگ مسلمان بیر عایله گه هجوم قیلگن لیک لری نی بیلدیررایکن, مذکور عایله دن 11 کیشی نینگ یره لنگن لیگی نی معلوم قیلدی. 

روزنامه یره لنگن عایله اعضالریدن بیری نینگ 2 یاشلی بیر باله ایکن لیگی نی بیلدیردی. 

هجومچی لرنینگ مذکور عایله نینگ پاکستان گه کیتیشی نی طلب قیلگن لیک لری معلوم قیلیندی.

یره لنگن کیشی لر آره سیده عیال لرنینگ هم موجود ایکن لیگی بیلدیریلدی. 

محللی خوفسیزلیک مسئول لری حادثه بیلن علاقه لی  تیرگاو باشله تیلگن لیگی نی بیلدیررایکن, اوشبو دایره ده ایریم کیشی لرنینگ نظارت آستی گه آلینگن لیک لری نی معلوم قیلدی. 

محللی نشراتی اورگان لر, عایله نینگ اوشبو هجوم نینگ افراطی راستگرا هندو لر تامانیدن پلانلنگن لیگی نی ادعا قیلگن لیگی نی بیلدیردی.