هندوستان ده توقنه شوو یوز بیردی

هندوستان نینگ کنترولی آستیده گی جمو کشمیرده, هندوستان خوفسیزلیک کوچلری بیلن مستقل لیک طرفداری مقاومتچی لر اورته سیده یوز بیرگن توقنه شوو لر نتیجه سیده 4 حربی هلاک بولدی. 

هندوستان پولیسی, خوفسیزلیک کوچلری نینگ ایرته لب سیریناگار نینگ جنوبیده گی پولواما منطقه سیده جنگری لرنینگ یَشیریلگن لیگی بیلدیریلگن بیر قشلاق نی اوره ب آلگن لیگی نی معلوم قیلدی.

بیاناتده, اوشبو قشلاق نینگ خوفسیزلیک کوچلری تامانیدن تکشیریلیشی جریانیده اوق اوزیلیشی نتیجه سیده باشلب کیتگن توقنه شوو لر عاقبتیده 4 حربی نینگ جان بیرگن لیگی و ایککی کیشی نینگ ایسه یره لنگن لیگی بیلدیریلدی. 

جان بیرگن حربی لردن بیری نینگ منصبدار ایکن لیگی بیلدیریلرایکن, یره لنگن لرنینگ هم بیر نفری نینگ عسکر ایکن لیگی معلوم قیلیندی. 

جمو کشمیرده پنجشنبه کونی حربی بیر قطار نینگ اوتیاتگن پیتده منفجره مواد یوکلنگن بیر موتر نینگ پارتله تیلیشی نتیجه سیده 40 دن آرتیق حربی جان بیرگن ایدی. 

هندوستان رهبریتی ایسه اوشبو حادثه بوییچه پاکستان نی عیبلرایکن, اسلام آباد رهبریتی نی آگاهلنتیرگن ایدی.