روسیه دولت باشلیغی پوتین ایرانگه منتدارچیلیک بیلدیردی

روسیه دولت باشلیغی ویلادیمیر پوتین، ایرانگه سوریه بحرانی گه ییچیم تاپیش موضوعسی بوییچه حصه قوشگن لیگی اوچون منتدارچیلیک بیلدیردی.

"ایران بیلن سوریه بحرانی گه ییچیم تاپیش اوچون جوده یخشی فعالیت آلیب بارماقده میز، بیراق همه مسئله لر حل بولمه گن" دیدی.  

پوتین ساچیده اویوشتیریلگن 4 – جلسه چوکاتیده ایران بیلن بولیب اوتگن هیئتلر ارا اوچره شوو آلدی بیانات بیردی.

روسیه و ایران اورته سیده گی همکارلیک نینگ سونگی پیتلرده کوپه ییب بارگن لیگی گه اشاره قیلگن پوتین؛

"سوریه بحرانی گه ییچیم تاپیش موضوعسی بوییچه حصه قوشگن لیگی اوچون منتدارچیلیک بیلدیره میز. بیرگه لیکده سوریه بحرانی گه ییچیم تاپیش اوچون جوده یخشی فعالیت آلیب بارماقده میز، بیراق همه مسئله لر حل بولمه گن" دیب گپیردی.

"ایران بیلن مشترک هسته ای پروژه لرنی رواجلنتیریش گه دوام ایتیب تورگن لیکلرینی معلوم قیلگن پوتین، بوگونکی جلسه میز اوز ارا مناسبتمیزگه حصه قوشه دی دیبا میده قیله من" دیدی.

پوتین توناون کونی ایرانده اویوشتیریلگن ترورچیلیک هجومی بیلن تیگیشلی قیغوداشلیک بیلدیردی.