اسرائیل بالاخره اعتراف قیلدی

توناوکون سوریه نینگ جنوبیده گی قنیطره ولایتی نینگ ایریم منطقه لری گه راکت آتیلدی.

اسرائیل باش وزیری بینیامین ناتانیاهو اوشبو راکتی هجومده اسرائیل اردوسی نینگ قولی بولگن لیگی نی اعتراف قیلدی. 

ناتانیاهو, "اورته شرقده تینچ لیک و خوفسیزلیک نینگ کیله جگی نی قوللب- قُوَتلَش" عنوانی گه ایگه کنفرانس گه اشتراک قیلیش اوچون پولند پایتختی وارسا گه جونب کیتمسدن آلدین, اسرائیل پایتختی تل ابیب ده ژورنالست لرنینگ سئوال لری گه جواب قیتردی.

بینیامین ناتانیاهو سوریه دن تشقری, منطقه ده گی برچه اولکه لر بیلن مناسبت لری نینگ جوده یخشی ایکن لیگی نی بیلدیردی. 

ناتانیاهو, 13- 14- فبروری کون لریده وارسا ده بولیب اوته دیگن اوشبو کنفرانسده اساساً ایران مسئله سی توغریسیده سوز یوریتیله دیگن لیگی نی معلوم قیلدی. 

سوریه ده گی محللی منبع لر, توناوکون اسرائیل تامانیدن قنیطره ولایتیده بشار الاسد رژیمی نی قوللب- قوتلیاتگن حزب الله هدف لری نینگ اوریلگن لیگی نی معلوم قیلرایکن, اسرائیل مقام لری ایسه اوشبو خصوصده هیچ قنده ی بیر بیانات بیرمه گن ایدی.