ادعا: ایران قضائی اورگانلری انگلستان نینگ تاثیری آستیده

ایران نینگ سابق جمهوررئیسی محمود احمدی نژاد ایران قضائی اورگانلری نینگ انگلستان نینگ تاثیری آستیده ایکن لیگی نی ادعا ایتدی. 

احمدی نژاد "دولت بهار" انترنت سایتی بیلن قیلگن مصاحبه سیده, اورینباسر لری نینگ قملگن لیگی سببلی ینه بیر مرته ایران نینگ قضائی اورگانلری نی تنقید قیلدی. 

انگلستان نینگ ایران قضائی اورگانلری گه تاثیر قالدیریاتگن لیگی نی ادعا ایتگن احمدی نژاد, اورینباسری رحیم مشایی نینگ قَمَلمَسدن آلدین لندن رهبریتی گه قرشی ناراضی چیلیک بیلدیرگن لیگی نی ایسله تیب اوتدی.

احمدی نژاد, "انگلستان نینگ ایران ایچکی ایشلری گه اره له شیشی گه اعتراض بیلدیرگن بیر کیشی نیمه اوچون اوشله نیب محکمه قیلینه دی؟" شکلیده سئوال بیردی.   

انگلستان تشقی ایشلر وزیری بوریس جانسن نینگ میلادی 2017 نچی ییلی دسامبر آییده تهران گه سفر قیلگن لیگی نی معلوم قیلگن احمدی نژاد, "قورقمسلیک لری تقدیرده, جانسن نینگ تهران گه قیلگن سونگگی سفری دایره سیده بولیب اوتگن اوچره شوو لرنینگ متن لری نی ترقتسین لر و سوریشتیریش فعالیت لری نی هم آچیق بیر شکلده آلیب بارسینلر" دییه قید ایتدی.