پاکستان امریکا قوشمه ایالتلری نینگ ادعاسینی رد ایتماقده

پاکستان، امریکا قوشمه ایالتلری نینگ ینگی ملی خوفسیزلیک ستراتیژیسینی تنقید ایتدی.

پاکستان، امریکا قوشمه ایالتلری نینگ ینگی ملی خوفسیزلیک ستراتیژیسی اسنادیده اورین آلگن "ترور تشکیلاتلری پاکستان توپراقلریده فعالیت آلیب بارماقده" دیگن ادعانی رد ایتدی.

تشقی ایشلر وزیرلیگی تامانیدن بیریلگن بیاناتده، امریکا قوشمه ایالتلری نینگ ادعاسی نینگ خطا ایکن لیگینی اورغوله دی.

مذکور بیاناتده؛

"خودی شو ادعالر بیلن پاکستان نینگ تروریزم گه قرشی کوره ش و منطقه نینگ خوفسیزلیگی اوچون قیلگن فعالیتلری و فداکارلیکلریگه اهمیت بیریلمه گن. منطقه ده گی حقیقتلرنی یشیریش اوچون یراتیلگن بو ناتوغری ادعالرنی رد ایته میز" دیب ایتیلگن.

اوشبو بیاناتده، پاکستان نینگ تروریزم گه قرشی کوره ش توغریسیده آلیب بارگن فعالیت و کوره شی سایه سیده القاعده ترور تشکیلاتی نینگ منطقه ده گی موجودیتی نینگ تقریباً نهائی بولگن لیگی تذکر بیریلگن.

پاکستان اردوسی سوزلاوچیسی جنرال آصف غفور هم محلی خبر کانالی Geo TV گه بیرگن بیاناتیده؛

"پاکستان منفعتلریگه بناً تروریزم گه قرشی کوره شدی، بوندن بویان هم کوره شیش گه دوام ایته دی، دیدی"

غفور، امریکا قوشمه ایالتلری نینگ پاکستان گه هر ییل قیلگن تروریزم گه قرشی کوره ش توغریسیده گی همکارلیگی گه تماس قیلیب، "امریکادن بیریله یاتگن پولگه ضرورتیمیز یوق. فقط تروریزم گه قرشی آلیب بارگن فداکارلیگیمیزنینگ قبول ایتیلیشی گه ضرورتیمیز بار" دیب ایتدی.

امریکا قوشمه ایالتلری دولت رهبری دونالد ترامپ بیان ایتگن ینگی ملی خوفسیزلیک ستراتیژی اسنادلریده، پاکستان نینگ توپراقلریده فعالیت قیلیب تورگن تروریست گروهلری گه قرشی کیره کلی آدیم لرنینگ آتیشی تذکر بیریلگن.

پاکستان بیلن تیگیشلی مذکور اسنادلرده؛

"تروریستلر و جنگریلرگه همکارلیک قیلگن بیر اولکه بیلن شریک لیک اوزاق مدت دوام ایتمه یدی" دیب ایتیلگن.