ایران، تورکیه و روسیه قوراللی کوچلری قومندانلری نینگ اوچره شووی بولیب اوتدی
اوشبو جلسه اوچ اولکه دولت رهبرلری نینگ جلسه سیدن آلدین اویوشتیریلدی
![ایران، تورکیه و روسیه قوراللی کوچلری قومندانلری نینگ اوچره شووی بولیب اوتدی](http://cdn.trt.net.tr/images/xlarge/rectangle/c8a1/c209/b190/59f0359ae4cbc.jpg?time=1719148124)
تورکيه جمهوریتی قوراللی کوچلر باش باشقرمسی جنرال خلوصی آقر روسیه قوراللی کوچلر باش باشقرمسی جنرال ولیري گیراسیموف و ایران قوراللی کوچلر باش باشقرمسی برید جنرال محمد باقري بیلن روسیه نینگ سوچی شهریده اویوشتیریلگن اوچلیک ییغیلیشده اوچره شدی.
اوشبو اوچرهشوو جمهور رئیس رجب طیب ایردوغان، روسیه دولت رهبری ولادیمیر پوتین و ایران جمهور رئیسی حسن روحاني اشتراکیده ایرتهگه بولیب اوته دیگن و سوريه توغریسیدهگی اوچلیک جلسه دن آلدین اوتکزیلدی.
تورکيه، روسیه و ایران قوراللی کوچلر باش باشقرمسی اورته سیده بولیب اوتگن اوچرهشوو آرتیدن روسیه مدافعه وزیری تامانیدن بیانات بیریلدی.
اوچرهشووده تامانلر نینگ سوريهدهگی موجود وضعیتنی قولگه آلگنلیگی بیان ایتیلر ایکن شونینگدیک ترور تشکیلاتلری نینگ یوق قیلینیشی، بحراننی کمه یتیریش حدودلریده خوفسیزلیک نینگ تأمینلنیشی و معمانی سیاسي یوللردن حل قیلیش مسألهسینی قوله یلشتیریش اوچون آلیب باریله دیگن فعالیتلرنینگ اینگ اساسي یونه لیشلری بیلن محاکمه قیلینگنلیگی قید ایتیلدی.
بیاناتده شونینگدیک «ادلیبدهگی بحراننی کمه یتیریش حدودیده روابط نینگ آرتتیریلیشی، سوريه دهگی داعش و الصرا ترور تشکیلاتی اعضالری نینگ تصفیه قیلینیشی مسأله لریده کیلیشیب آلیندی» دییلدی.
علاقه لی ینگی لیکلر
![روس اردوسی منسوبی بولگن ایکّی نفر هندوستانلیک حیاتینی یوقاتدی](http://cdn.trt.net.tr/images/medium/rectangle/8989/5073/8f50/6563293283081.jpg?time=1719148124)
روس اردوسی منسوبی بولگن ایکّی نفر هندوستانلیک حیاتینی یوقاتدی
اوشبو توغریده هندوستان تشقی ایشلر وزیرلیگی تامانیدن یازمه بیانات بیریلدی