تشقی ایشلر وزیرلری اوچ تامانلمه ملاقات اوتکزه دیلر
چاووش اوغلی، بو هفته سونگی انتالیاده روسیه تشقی ایشلر وزیری سیرگیی لاوروف و ایران تشقی ایشلر وزیری جواد ظریف بیلن بیرگه لیکده اوچ تامانلمه ییغیلیش اوتکزیشلرینی قید ایتدی.
تشقی ایشلر وزیری مولود چاووش اوغلی، 22- نوامبرده روسیه نینگ سوچی شهریده بولیب اوته دیگن روسیه - تورکيه - ایران رهبرلری جلسه سی آلدی، بو هفته سونگی انتالیاده روسیه تشقی ایشلر وزیری سیرگیی لاوروف و ایران تشقی ایشلر وزیری جواد ظریف بیلن بیرگه لیکده اوچ تامانلمه ییغیلیش اوتکزیشلرینی قید ایتدی.
چاووش اوغلی،
« بوندن سونگره قَیسی قدملرنی تشلشیمیز ممکن، سوريه ده تینچلیک و برقرارلیکنی قندهی تکرار اورنه ته آله میز، آستانه بیلن ژنیو ( جریانینی) قندهی بیر پارچه قیلیب آلاله میز، برچه موضوعلرنی محاکمه قیلیش فرصتینی تاپه میز» دیدی.
تورکيه، روسیه و ایران نینگ اشتراکی بیلن 22- نوامبر چارشنبه کونی، روسیه نینگ سوچی شهریده، « سوريه» موضوعلی ییغیلیش بولیب اوته دی.
روسیه دولت رهبری ولادیمیر پوتین نینگ میزبانلیگیده اوتکزیلهدیگن ییغیلیش بیلن جمهور رئیس رجب طیب ایردوغان 10 کون مابینیده ایکّینچی مراتبه روسیه نی زیارت ایته دی.
ییغیلیشگه ایران جمهور رئیسی حسن روحاني نینگ هم اشتراک ایتیشی کوتیلماقده.
علاقه لی ینگی لیکلر
روس اردوسی منسوبی بولگن ایکّی نفر هندوستانلیک حیاتینی یوقاتدی
اوشبو توغریده هندوستان تشقی ایشلر وزیرلیگی تامانیدن یازمه بیانات بیریلدی