تورکیه و اوزبیکستان جمهوررئیس لری مشترک مطبوعاتی کنفرانس ترتیب له دی

ترکیه جمهوریتی جمهوررئیسی رجب طیب اردوغان, تورک هوا یوللری طیاره لری نینگ مارچ آیی نینگ 16 نچی کونیدن باشلب اوزبیکستان نینگ سمرقند شهری گه اوچه باشلیدیگن لیگی نی بیلدیردی. 

اردوغان, شونده ی قیلیب ایککی قرداش اولکه نینگ ینه ده بیر بیر لری گه یقین له شه دیگن لیک لری نی ایسله تیب اوتدی. 

جمهوررئیسی اردوغان, رسمی بیر سفر بیلن تورکیه گه تشریف بویورگن اوزبیکستان جمهوررئیسی شوکت میرضیایف بیلن مشترک بیر مطبوعاتی کنفرانس ترتیب له دی. 

اوزبیکستان جمهوررئیسی نینگ تورکیه گه تشریف بویورگن لیگی سببلی جوده خرسند ایکن لیگی نی بیلدیرگن جمهوررئیسی اردوغان, 20 ییل کیین اویوشتیریلگن اوشبو سفر نینگ انچه مهم ایکن لیگی نی معلوم قیلدی. 

اردوغان, میرضیایف بیلن بولیب اوتگن یککه مه یککه و هیئت لر ارا اوچره شوو لر نینگ جوده یخشی بولیب اوتگن لیگی نی بیلدیررایکن, اوشبو اوچره شوو لر جریانیده, اقتصاد, مدافعه, ساغلیق, ایکینچی لیک, تعلیم و تربیه و فرهنگ سنگری کوپلب ساحه لر بوییچه همکارلیک لر توغری سیده بحث ایتگن لیک لری نی بیلدیردی. 

اوزبیکستان نینگ اورته آسیا ده 31,5 میلیون نفوسی و بای منبع لری بیلن ستراتیژیک بیر اولکه دن عبارت ایکن لیگی نی بیلدیرگن اردوغان, اوزبیکستان نینگ دنیا نینگ اینگ کتته 7 نچی طبعی گاز, 4 نچی یورانیم و 6 نچی پخته تولید ایتوچی سی  و 2 نچی پخته صادراتچی سیدن عبارت ایکن لیگی نی ایسله تیب اوتدی. 

اردوغان, بونده ی بولیشی گه قره مسدن, ترکیه بیلن اوزبیکستان آره سیده اقتصادی علاقه لرنینگ آرزو ایتیلگن سویه ده ایمس لیگی نی معلوم قیلدی. 

ترکیه بیلن اوزبیکستان آره سیده گی تجارت حجمی نینگ میلادی 2016 نچی ییلیده 1,2 میلیارد دالر ایکن لیگی نی بیلدیرگن اردوغان, جاری ییل نینگ ایلک 8 آییده 900 میلیون دالر دن هم آشیب کیتگن لیگی گه دقت قره تدی. 

اردوغان, تورکیه نینگ دنیا ده ساختمانی ایش لر بوییچه ایککینچی اورین نی ایگلله گن لیگی نی معلوم قیلرایکن, "اوشبو ساحه بوییچه تجربه لری میزدن اوزبیکستان نینگ هم فایده له نیشی نی هدف قیلیب آلماقده میز.  استانبولده بولیب اوته دیگن تورک- اوزبیک اقتصادی ییغیلیشی نینگ هم فایده لی بولیب اوته دیگن لیگی گه ایشانماقده من" دییه قید ایتدی. 

اوچره شوو لر جریانیده اینگ کوپ بحث ایتیلگن موضوع نینگ هم فرهنگ و توریزم دن عبارت بولگن لیگی نی بیلدیرگن اردوغان, "توریزم بوییچه اینیقسه تاشکنت, سمرقند و بخارا کبی شهر لر بیز نینگ جهتی میزدن کتته اهمیت گه ایگه.  اوشبو مدنیت شهر لری اوزبیکستانده اورین آلماقده.  خودی منه شوو قدیمی شهر لر نینگ فقط گینه اولکه میزده ایمس, بلکه برچه تورک و اسلام عالمیده اوزی گه خاص بیر اورینی بار.  توریزم ساحه سی بوییچه مشترک پروژه لری میز بیلن انشا الله اوشبو ساحه ده موفق بوله میز. ینه بیر مژده بیرماقچی من.  تورک هوا یوللری طیاره لری مارچ آیی نینگ 16 نچی کونیدن باشلب استانبولدن سمرقند گه اوچه باشلیدی. شونده ی قیلیب ایککی قرداش اولکه ینه ده بیر بیر لری گه یقین لشگن بوله دی" دییه قید ایتدی. 

عینی دمده مطبوعاتی کنفرانس آلدیدن, ترکیه بیلن اوزبیکستان آره سیده فرقلی ساحه لر بوییچه 20 کیلیشوو گه قول قویلدی.