پاکستانده انتخابات بولیب اوتدی

سیلاوده نواز شریف نینگ تورموش اورتاغی گُلسوم شریف بیرینچیلیکنی قولگه کیریتدی.

نواز شریف نینگ قلعه‌ سی صفتیده بیلینگن لاهور شهریده 322 مینگ 786 سیلاوچی 220 ته سیلاو مرکزیده رای بیردی.

گُلسوم شریف 44 نامزاد بیللشگن سیلاوده 59 مینگ آواز آلیب، ملي مجلسدن ا‌ورین آلیشگه موفق بولدی.

گلسم شریف نینگ اینگ کوچلی رقیبی پاکستان عدالت حرکتی حزبی نامزادی یاسمین ر‌شید ایسه، 46 مینگ رای آلدی.

پاکستانده ایلک مراتبه بعضی سیلاو مرکز‌لریده بیومیتریک رای بیریش جهازیدن فایده ‌لنیلدی.

ایسلتمه‌: پاکستانده عالی‌ محکمه‌ نواز شریف نینگ پارلمان و محکمه‌گه نسبتاً راستگوی و صمیمی بولمه‌گنی طفیلی بوندن بویان باش وزیرلیک لوازمیگه نالایق ایکنینی معلوم قیلیب، اونی عمربویی سیاستدن چیتلشتیرگن ایدی.

نتیجه‌ ده، نواز شریف نینگ مجلسده‌گی اورنی بوشب قالگن ایدی.