ایران قوراللی کوچلر قومندانی جنرال محمد باقری انقره گه تشریف بیوردی

 ایران قوراللی کوچلر قومندانی جنرال محمد باقری، قوراللی کوچلر قومندانی خلوصی آقرنینگ دعوتی گه بناً سیاسی و عسکری بیر هیت بیلن بوگون انقره گه تشریف بیور دی. جنرال باقری پایتخت انقره ده جنرال خلوصی آقر تامانیدن کوتیب آلیندی. باقری رهبریتیده گی ایران عسکری و سیاسی هیئتی نینگ انقره سفری اوچ کون دوام ایته دی. باقری بوگون جنرال خلوصی آقر بیلن اوچره شدی. ایرته گه ملی مدافعه وزیری نورالدین جانیکلی بیلن اوچره شیشی کوتیلماقده. ایران قوراللی کوچلر قومندانی نینگ انقره پروگرامی اوچ کون دوام ایته دی. ایران منبع لری، باقری و یانیده گی هیئت نینگ تورکیه ده یوقاری مرتبه لی عسکری و سیاسی اوچره شوو عملگه آشیره دیگن لیکلرینی بیان ایتدی. بو چوکاتده قوراللی کوچلر قومندانی و ملی مدافعه وزیری اوچره شوویدن تشقری ایریم تماس لرنینگ هم بولیب اوتیشی ممکن ایکن لیگی معلوم قیلینماقده.