افغانستانده آلیب قاچیریلگن پاکستان لیک دیپلمات لر آزاد ایتیلدی

افغانستانده, جون آییده ناتانیش کیشی لر تامانیدن آلیب قاچیریلگن پاکستان لیک ایککی دیپلمات آزاد ایتیلدی. 

پاکستان تشقی ایش لر وزیرلیگی, افغانستان نینگ جلال آباد قنسلگرلیگیده ایشلیتگن ایککی دیپلمات نینگ افغان خوف سیزلیک کوچ لری نینگ بیر عملیاتی نتیجه سیده نجات بیریلگن لیگی نی بیلدیردی. 

خودی منه شوو دیپلمات لرنینگ پاکستان نینگ کابل سفارتی گه تاپشیریلگن لیک لری بیلدیریلدی. 

اوشبو دیپلمات لرنینگ قیسقه بیر مدت کیین پاکستان گه کیتیش لری کوتیلماقده. 

خودی منه شوو دیپلمات لرنینگ آزاد ایتیلگن لیک لری سببلی پاکستان تشقی ایش لر وزیرلیگی مسئول لری نینگ افغانستان لیک تینگداش لری گه اوز منتدارچیلیک لری نی بیلدیرگن لیک لری معلوم قیلیندی. 

دیپلمات لرنینگ کیم لر تامانیدن آلیب قاچیریلگن لیک لری بیلینمس ایکن, اویوشتیریلگن عملیات نینگ جزئیاتی حقیده هم معلومات بیریلمه دی. 

جلال آباد قنسلگرلیگیده ایشلیتگن اوشبو دیپلمات لر جون آیی نینگ 18 نچی کونیدن بیری لادرک بولیب کیتگن ایدی. 

اوشبو دیپلمات لر موتر بیلن اوز اولکه لری گه سفر قیلیتگن پیتده ناتانیش کیشی لر تامانیدن آلیب قاچیریلگن ایدی.