افغانستان جمهوررئیسی محمد اشرف غنی ترکمنستان گه تشریف بویوردی

افغانستان جمهوررئیسی محمد اشرف غنی ترکمنستان گه تشریف بویوردی. 

رسمی بیر سفر بیلن ترکمنستان گه تشریف بویورگن غنی, ترکمنستان جمهوررئیسی قربانقلی بیردی محمدوف تامانیدن رسمی مراسم بیلن کوتیب آلیندی. 

اوغوزخان قصریده بولیب اوتگن اوشبو رسمی مراسم آرتیدن ایسه ایککی رهبر یککه مه یککه اوز ارا اوچره شدیلر. 

یککه مه یککه و هیئت لر ارا اوچره شوو لر جریانیده ایککی اولکه آره سیده گی علاقه لر و خلق ارا مقیاسده گی موضوع لر باره سیده بحث ایتیلدی. 

اوچره شوو لر آرتیدن ایسه, برق, ترانسپورت, تعلیم و تربیه و قالین توقیش کبی ساحه لر بوییچه ایریم کیلیشوو لر امضالندی. 

کیین چه لیک ایسه, ایککی رهبر مشترک بیر مطبوعاتی کنفرانس ترتیب له دی. 

غنی بیلن بیردی محمدوف ایککی اولکه آره سیده گی علاقه لرنینگ یوقاری سویه ده ایکن لیگی نی بیلدیردی. 

عینی دمده رهبر لر, خلق ارا تروریزم و مخدره مواد قاچاق چیلیگی گه قرشی کوره ش بوییچه ایککی اولکه آره سیده گی موثر همکارلیک لرنینگ دوام ایته دیگن لیگی نی معلوم قیلدی. 

ترکمنستان- افغانستان- پاکستان- هندوستان طبعی گاز قووری پروژه سی (تاپی) نینگ افغانستان و ترکمنستان نینگ منفعتی گه اویغون ایکن لیگی نی بیلدیرگن رهبر لر اوشبو پروژه بیلن علاقه لی وعده لر توغری سیده هیچ قنده ی بیر اوزگریش نینگ بحث موضوعی ایمس لیگی نی بیلدیردی. 

افغانستان نینگ شمالی گه برق بیریتگن لیک لری نی بیلدیرگن بیردی محمدوف, قوشیمچه مرکز لرنینگ قوریلیشی ایش لری نینگ تکمیل بولیشی آرتیدن, قوشنی اولکه افغانستان گه ینه ده کوپراق برق بیریش امکانیتی گه ایگه بوله دیگن لیک لری نی معلوم قیلدی. 

رهبر لر مُدرن ایپک یولی اوله راق بهالنتیریلیتگن, ترکمنستان-افغانستان-تاجکستان خلق ارا تیمیر یولی پروژه سیده باره سیده هم بحث ایتدی. 

ایککی رهبر اوشبو پروژه نینگ ترکمنستان بیلن افغانستان آره سیده گی علاقه لر بوییچه اینگ مهم فکتور لر دن بیری ایکن لیگی نی بیلدیردی. 

اوشبو پروژه نینگ 88 کیلومتر لیک ایلک قسمیدن عبارت آته مراد (ترکمنستان)- آقینه (افغانستان) قسمی, اوتگن ییل نوامبر آییده غنی و بیردی محمدوف نینگ اشتراکی بیلن بولیب اوتگن بیر مراسم آرقه لی افتتاح قیلینگن ایدی.