ترکیه ده تجاوز و غصب اتهامی بیلن ایککی افغان اوشلندی

انادولو آژانسی نینگ بیرگن خبری گه کوره, انقره ده, قاچاق بیر شکلده ترکیه گه کیلگن ایران لیک ایر- خاتین نینگ مال لری نی غصب ایتیب یاش عیال گه تجاوز قیلگن ایککی افغان اوشلندی.

ایران لیک ایرکک کیشی (26 یاشیده), قریب 10 آی آلدین ترکیه گه کیلدی. کیین چه لیک ترکیه نینگ کوتاهیه ولایتیده خیاط لیک قیلیب باشله گن اوشبو کیشی نینگ ایران ده گی عیالی (20 یاشیده) هم قاچاق یول بیلن انقره گه کیلدی.  عیال نینگ ایری هم کوتاهیه دن انقره گه کیلدی.  ایران لیک ایرکک کیشی انقره دن عیالی نی آلیب کوتاهیه گه کیتیش گه حرکت ایتدی. 

ایران لیک اوشبو ایر-خاتین قانونی اسناد لری بولمه گن لیگی اوچون انقره دن کوتاهیه گه کیتیش مقصدی بیلن هیچ بیر ترانسپورتی شرکت دن تکت تاپه آلمه دی. 

خودی منه شوو ایران لیک ایرکک کیشی انقره ده, ایران دن تانیگن ایککی افغان نی کوریب قالدی. 

ایران لیک ایر- خاتین گه انقره ده اویغون بیر هوتل تاپیب بیره دیگن لیک لری نی بیلدیرگن مجید و خیرالله نامیده گی اوشبو ایککی افغان, ایران لیک عایله نی هوتل اورنی گه باشقه بیر جایگه آلیب باردی. متهم لر, یانیده گی ینه اوچ کیشی نینگ همکارلیگی بیلن ایران لیک ایرکک نی باغلب قویدی. 

اوشبو بیش متهم کیین چه لیک ایران لیک عیال نی (20 یاشیده) باشقه بیر اتاق گه آلیب باریب قول لری نی باغله دی. شونده ی قیلیب بیش کیشی اوشبو عیال گه تجاوز قیلدی. 

عینی دمده اوشبو متهم لر مذکور ایر- خاتین نینگ 800 دالر و 1 مینگ 400 ترک لیره سی بیلن 3 موبایلی نی هم قول لریدن تارتیب آلدی. 

کیین چه لیک متهم لر عیال نینگ قولی نی ییچیب حادثه محللی دن قاچدی.

ترک پولیسی افغانستان تبعه سی متهم لردن مجید نی انقره ده و خیر الله نی ایسه ترکیه نینگ ارزینجان ولایتیده اوشله دی.

کیم ایکن لیک لری معلوم بولمه گن باشقه اوچ کیشی ایسه ترک پولیسی تامانیدن قیدیریلماقده.