بهاوالدین نقشبندي مقبره‌سی اوزبیکستان

بهاوالدین نقشبندي مقبره‌سی

شیخ بهاوالدین نقشبند مزاری یانیده‌گی هدیره — مجموعه جایی (بوخارا ولایتی، 16-ه.). مزار عبدالعزیزخان بویروغی بیلن ترتیبگه سالینیب، هدیره برپا ایتیلگن و 1544 -1945 ییللرده مجموعه‌ نینگ اینگ کتّه‌ بناسی — خانقاه‌ قوریلگن.

بهاوالدین نقشبندي مجموعه‌سی - دخمه‌لر (دخمه‌ی شاهان و بهاوالدین دخمه‌سی)، مقبره‌، 2 مسجد، سا‌قاخانه، حوض، قودوق، مناره‌، مدرسه‌ و عبدالعزیزخان خانقاهیدن عبارت. مجموعه‌ کیچیک گنبذلی چارتاق دروازه‌خانه‌دن باشلنه‌دی. دروازه‌دن اوتگچ، اونگده کیچکینه‌ مسجد، چپ تا-مانده زیارتچیلر اوچون تورلی بنالر بولگنلیگی معلوم. یول دوامیده‌ چپده خانلر مزاری — دخمه‌ی شاهان جایلشگن. دخمه‌ی شاهان توغری تورت‌بورچک طرحلی، بلندلیگی 2.5 م، اوستی گل رنگ مرمر بیلن قاپلنگن. اونده مرمر اویمه‌کارلیگی، خطاطلیک صنعتی نینگ عجایب نمونه‌لری موجود. مرمرلرگه تاقچه‌لر، اوستونچه‌لر، شرَفه‌لر، سرو صور‌تی و باشقه‌ بیزه‌کلر اوییلگن؛ نقشلر بهʼضده یازوولر بیلن اره‌لش اوچره‌یدی.

دخمه‌ی شاهاندن اوتگن یولک نفیس بیزه‌تیلگن پیشتاققه آلیب کیله‌دی (پیشتاق نینگ ایکّی طبقه‌لی ایشیگیگه "بغدادی" و "گُلی نوع" اصولیده نقشلر اوییلگن). پیشتاق نینگ ایشیگیدن اوتیلگچ، اونگده گنبذلی مقبره‌ بار (اونگه کیم دفن قیلینگنلیگی نامعلوم). چپده کیرا‌ویریشده 6 اوستونلی (سادّه‌‌گینه)، آلدی ایوانلی مظفرخان مسجدی جایلشگن. مسجد یانیگه 2 اوستونلی حکیم قوش‌بیگی مسجدی توشگن (مسجد محرابیده عجایب مجسماتلی نمایان بار). اونینگ جَنوبیده نقشدار، شِمالیده نقشسیز ایوانلر بار. بهاوالدین دخمه‌سی مرمر قاپلنگن کتّه‌‌گینه مربع طرحلی صوفه‌ بولیب، اطرافی چیرایلی مرمر پنجره‌ بیلن اوره‌لگن. اوندن سَل نری، شِمالده، تامانلری 9،5 م کیله‌دیگن ایلنه زینه‌لی مرمر حوض، اونینگ شمالي تامانیده کیچیکراق، کورکم چارتاق سا‌قاخانه بار. بهاوالدین دخمه‌سی بیلن حوض آره‌لیغیده قودوق، اونینگ یانیده‌گی چیرایلی شییپاندن قدیمده زیارتچیلرگه تورلی شکللی ایدیشلرده "مقّدس" سوو اولشیلگن.

حکیم قوش‌بیگی مسجدی نینگ شِمالیده کوریمسیز‌گینه بیر مناره‌، اوندن نریده حویلیده‌گی حوضدن 3 برابر کتّه‌ باشقه‌ حوض بار. حویلی نینگ تشقریسی (شمالي-غربی)ده تورتبورچق صوفه‌ اوستیده خانقاه‌ (اینی 37 م، بویی 40 م لی) قد کوترگن. مرکزیده اطرافی پیشتاق رواکلی ایوانلر بیلن اوره‌لگن مسجد، اونینگ توریده چارزمین اسلوبیده ایشلنگن قیرمه نقشلی محراب موجود. عمارت نینگ هر ایکّی تامانیده سیمتریک قوریلگن ایکّی قبتلی کتّه-کیچیک حجره‌لر بولگن. بهاوالدین نقشبندي مجموعه‌سیگه اوندن 0،5 کیلومتر شمالي-شرقده جایلشگن "قصری عارفان" مسجدی هم کیره ‌دی؛ اونینگ یانیده پَستک کینه مناره‌ بار. مسجد 3 طرفدن ایوان بیلن اوره‌لگن؛ شیپی نقش توشیریلگن حوض لیک. بهاوالدین نقشبندي مجموعه‌سی 16-عصر معمارلیگی نینگ ینگیچه مجموعه جایی توزیشده ایریشیلگن یوتوقلریدن نمونه‌ بولیب، قوش بنالی سیمتریک مجموعه جایلردن فرق قیله‌دی.

اوزبیکستان جمهوریتی نینگ بیرینچی جمهور رئیسی اسلام کریم اوف تشبثی بیلن بهاوالدین نقشبند تولدی نینگ 675 ییللیگی اوتکزیلیب 1993 ییلی مجموعه‌ قَیته تعمیرلندی، قوشیمچه‌ بنالر بنا ایتیلدی.