اوزبیکستان بیلن ترکیه آره سیده گی مناسبتلر کونساین مستحکم له شیب بارماقده

اوزبیکستان جمهوررئیسی شوکت میرضیایف, ترکیه ده اپریل آیی نینگ 16 نچی کونیده بولیب اوتگن رفراندوم دایره سیده قولگه کریتیلگن موفقیت سببلی ترکیه جمهوریتی جمهوررئیسی رجب طیب اردوغان گه اوز تبریک لری نی بیلدیردی. 

ترکیه ده اپریل آیی نینگ 16 نچی کونیده اساسی قانون نینگ ایریم ماده لری نینگ اوزگریشی بیلن علاقه لی بولیب رفراندوم دایره سیده اوشبو اوزگریش طلبی 51,4 فایز مثبت و 48,6 فایز ایسه منفی رای بیلن قبول قیلیندی.   

جمهوررئیسی میرضیایف, جمهوررئیسی اردوغان گه تبریکیه پیامی یوباردی.

میرضیایف اوشبو مکتوبیده, خودی منه شوو رفراندوم دایره سیده قولگه کریتیلگن موفقیت سببلی اردوغان گه اوز تبریک لری نی بیلدیردی. 

ایککی اولکه آره سیده گی مناسبت لرنینگ, حرمت و ایشانچ اساس لریگه تَیَنگن حالده کونساین آرتیب باریتگن لیگی اوچون جوده خرسند ایکن لیگی نی بیلدیرگن میرضیایف, قرداش اوزبیک و ترک خلق لری آره سیده گی دوست لیک علاقه لری نینگ ینه ده آرتیب کیته دیگن لیگی گه ایشانگن لیگی نی بیلدیردی.

میلادی 1957 نچی ییلی دسامبر آیی نینگ 30 نچی کونیده دنیا گه کیلگن اوزبیک سیاستچی میرضیایف, میلادی 2003 نچی ییلیدن بیری اوزبیکستان باش وزیری اوله راق وظیفه اجرا قیلماقده ایدی.

اوزبیکستان نینگ آلدینگی جمهوررئیسی اسلام کریموف نینگ وفات ایتیشی آرتیدن, میلادی 2016 نچی سپتامبر آیی نینگ 8 نچی کونیده شوکت میرضیایف پارلمان نینگ قراری بیلن اولکه نینگ اوتکینچی جمهوررئیسی بولدی.

کیین چه لیک میلادی 2016 نچی ییلی دسامبر آیی نینگ 4 نچی کونیده ایسه بولیب اوتگن سیلاو نتیجه سیده میرضیایف اوزبیکستان جمهوررئیسی ایتیب سیلندی.