پوتین بیلن روحانی امریکانینگ هجومی و سوریه موضوعسی بیلن تیگیشلی اوله راق تیلفونی صحبت عملگه آشیردیلر

روسیه دولت باشلیغی ویلادیمیر پوتین بیلن ایران جمهور رئیسی حسن روحانی، امریکا قوشمه ایالتلری نینگ سوریه گه هجوم اویوشتیریب، خلق ارا حقوق ارزشلرینی ایاق آستیگه آلگن لیگی نینگ قبول قیلیش نینگ ممکن ایمس ایکن لیگینی بیان ایتدیلر.  

کرملین مطبوعات شعبه سیدن بیریلگن بیاناتده، پوتین و روحانی نینگ ایرن نینگ ایستگی گه بناً بیر تیلفون صحبتی عملگه آشیرگن لیکلرینی بیلدیردی.

مذکور بیاناتده، سوریه ده گی وضعیت مطرح بولگن اوچره شووده امریکا قوشمه ایالتلری نینگ ، خلق ارا حقوق ارزشلرینی ایاق آستیگه آلیب، سوریه گه هجوم اویوشتیرگن لیگی نینگ قبول ایتیلیشی نینگ ممکن ایمس ایکن لیگی بیان ایتیلدی.

پوتین و روحانی نینگ، سوریه نینگ ادلب منطقه سیده کیمیاوی هجوم ادعاسی بیلن علاقه لی اوله راق طرف سیز و عادلانه بیر تحقیق آلیب باریلیشینی سوره گن لیکلری اورغولندی.

ایککی رهبرنینگ سوریه ده گی توقنه شوونینگ سیاسی و دیپلوماتیک یوللر بیلن حل بولیشی بیلن علاقه لی اوله راق جدی بیر شکلده همکارلیک نینگ دوام ایتیشی نینگ اهمیتی گه تماس ایتگن لیکلری قید ایتیلدی.

بیاناتده، روحانی نینگ 27-28 نچی مارچ تاریخلریده اویوشتیرگن مسکو سفری چوکاتیده آلیب باریلگن کیلیشوولرنی عملی قیلیش جریانی هم مطرح بولدی. ایککی تامان هم تروریزم گه قرشی کوره ش ساحه سیده گی همکارلیک نینگ اهمیتی گه تماس ایتیب، اورته شرق منطقثه سیگه استقرار و خوفسیزلیک نینگ تأمین ایتیلیشی مقصدی بیلن بو همکارلیک نینگ دوام ایتیشی اوچون آماده ایکن لیکلرینی اورغوله دیلر، دیب تذکر بیریلگن