ایران عسکری مرکزلری نینگ روسیه نینگ استفاده قیلیشی گه رخصت بیریش معماسی
بو حادثه ایرانده تارتیشووگه باعث بولگن
ایران عسکری مرکزلری نینگ روسیه گه بیریلیش معماسی
ایران انقلابی محافظ لر اردوسی نینگ ایسکی قومندان لریدن حسین کنعانی مقدم، اولکه ده گی عسکری مرکزلرنی روسیه نینگ اختیاریگه قوییلیشی بیلن علاقه لی موضوع نینگ تشقی ایشلر وزیرلیگی نینگ صلاحیتیده ایمس ایکن لیگینی بیلدیردی.
ایران مجلسیده بیر مدت وکیل لیک هم قیلگن مقدم، انادولو خبر آژانسی گه بیرگن بیاناتیده، عسکری مرکزلرنینگ صلاحیتی نینگ تشقی ایشلر وزیرلیگی نینگ ایمس، اردونینگ صلاحیتیده ایکن لیگینی افاده ایتدی.
مقدم؛
عسکری مرکزلرنینگ بیریلیشی اوچون مجلس نینگ هم تصویب ایتیب قبول قیلیشی کیره ک لیگینی معلوم قیلدی.
باشقه بیر تاماندن ایران مجلسیده گی تشقی ایشلر و ملی خوفسیزلیک کمسیونی اعضاسی علی رضا رحیمی، مرکزلرنینگ روسیه نینگ اختیاریگه قوییلیشی نینگ تشقی ایشلر وزیری جواد ظریف و ایران اوچون مطرح ایمس ایکن لیگینی ایتدی.
ایران نینگ عسکری مرکزلرینی روسیه نینگ اختیاریگه قوییش موضوعسی اوتگن هفته ایران جمهور باشلیغی حسن روحانی بیلن مسکوگه سفر قیلگن جواد ظریف تامانیدن مطرح قیلینگن ایدی.
ظریف کیره ک بولگنده ایران عسکری مرکزلری نی روسیه گه آچیش ممکن دیگن سوزلری اولکه ده تارتیشووگه باعث بولگن ایدی و 20 ملت وکیل مشترک بیانات نشر قیلیب، اساسی قانون نینگ صلح اوچون هم بولسه ایریم اولکه لرنینگ اختیاریگه قوییش گه رخصت بیرمس لیگینی قید ایتگن ایدی.
علاقه لی ینگی لیکلر
روس اردوسی منسوبی بولگن ایکّی نفر هندوستانلیک حیاتینی یوقاتدی
اوشبو توغریده هندوستان تشقی ایشلر وزیرلیگی تامانیدن یازمه بیانات بیریلدی