جمهوررئیسی اردوغان ژورنالست لرنینگ سئوال لری گه جواب قیتردی

ترکیه جمهوریتی جمهوررئیسی رجب طیب اردوغان, سوریه گه باریب جایله شیش کبی بیر مفکوره سی نینگ بولمه گن لیگی نی بیلدیررایکن, ترکیه نینگ اساسی هدفی نینگ اوزی گه قره تیلگن تهدید لر نی بر طرف ایتیش دن عبارت ایکن لیگی نی معلوم قیلدی. 

اردوغان, پاکستان دن قیتیب کیلیتگن پیتده ژورنالست لر نینگ سئوال لری گه جواب قیتردی. 

اردوغان, ترکیه قوراللی کوچ لری نینگ سوریه ده الباب آرتیدن هدفی نینگ منبج دن عبارت ایکن لیگی نی معلوم قیلدی. 

اردوغان, منبج و الرقه بیلن علاقه لی امریکا قوشمه ایالتلری دولت رهبری دونالد ترامپ بیلن کیلیشیب آلیش بوییچه حاضرچه انیق بیر ینگی لیک نینگ موجود ایمس لیگی نی ایسله تیب اوتدی. 

اردوغان, "امریکا و باشقه ائتلاف کوچ لری بیلن مشترک روشده حرکت قیله آلسک اگر, الرقه پروسه سی بوییچه بیر یقه دن باش چیقاریش گه حرکت ایتماقده میز.  عینی دمده داعش گه قرشی مشترک روشده کوره ش آلیب باریش بوییچه روسیه نینگ هم هر قنده ی بیر طلب نی مطرح قیلیشی تقدیرده, همکارلیک ایتیشی میز ممکن.  جاری آیده روسیه گه سفر قیله میز.  اوشبو خصوصده کینگ کولملی بیر شکلده بحث ایته میز" دییه قید ایتدی. 

جمهوررئیسی اردوغان, فتو ترور تشکیلاتی باشلیغی فتح الله گولن نینگ کانادا گه قاچیشی باره سیده گی ادعا لر توغری سیده ایسه, "کانادا نینگ بونده ی بیر طلب گه مثبت جواب بیره دیگن لیگی یاکه بیرمیدیگن لیگی نی بیلمیمن. بیز کیره ک لیک معلومات لر نی بیردیک.  حاضر اوشبو ادعا بیلن علاقه لی جدی بیر بیر موضوع یوق.  کیره ک بولگن تقدیرده, کانادا تامانی بیلن یوقاری سویه ده ارتباط قوره میز" دییه قید ایتدی.