افغانستان حدودینی محافظه ایتیش اوچون تاجکستان – روسیه آره سیده عسکری کیلیشوو بولیب اوتدی

افغانستان حدودینی محافظه ایتیش اوچون تاجکستان – روسیه آره سیده عسکری کیلیشوو بولیب اوتدی

روسیه دولت باشلیغی ویلادیمیر پوتین، تاجکستان – افغانستان چیگره سی نینگ محافطه ایتیلیشی اوچون تاجکستانده جایلشگن عسکری قونلغه مرکزی استفاده ایتیلیشی اوچون کیلیشگن لیکلرینی بیلدیردی.

ویلادیمیر پوتین رسمی بیر سفر چوکاتیده دوشنبه گه باریب، جمهور رئیس امام علی رحمان بیلن اوچره شدی. اوچره شوو نینگ آرتیدن اویوشتیریلگن مشترک مطبوعاتی کنفرانسده سوز یوروتگن پوتین، افغانستان ده داعش بیلن ایریم ترور تشکیلاتلری نینگ ییره ییب کیتیشی دن خواطرده ایکن لیک لرینی بیلدیریب، بناً تاجکستان – افغانستان حدودی نینگ محافظه ایتیلیشی اوچون تاجکستان ده جایلشگن روس عسکری مرکزی نینگ استفاده قیلینیشی توغریسیده کیلیشدیک، دیدی.

ویلادیمیر پوتین، سفری جریانیده تاجکستان جمهور رئیسی رحمانگه ایککی ا.لکه آره سیده گی مناسبت گه حصه قوشگن لیگی اوچون روسیه الکسندر ناویسکی دولت نشانی تفویض ایتدی.

کرملین مطبوعات مرکزیدن بیریلگن بیاناتده، پوتین نینگ سفری چوکاتیده ایککی اولکه آره سیده اقتصادی، تجارت، انرژی و معارف کبی ساحه لرده 7 کیلیشووگه قول قوییلگن لیگی بیلدیریلدی.