ترکیه اوزبیکستان گه اوز تبریک لرینی بیلدیردی

اوزبیکستانده بولیب اوتگن جمهوررئیس لیگی سیلاو لری دایره سیده شوکت میرضیایف اولکه نینگ ینگی جمهوررئیسی ایتیب سیلندی.  

اوشبو مناسبت بیلن ترکیه جمهوریتی تشقی ایش لر وزیرلیگی ترقتگن پیامیده دوست و قرداش اولکه اوزبیکستانده تینچ بیر شکلده جمهوررئیس لیگی سیلاو لری نینگ بولیب اوتگن لیگی اوچون خرسند چیلیک بیلدیریلرایکن, "شوکت میرضیایف نینگ جمهوررئیسی ایتیب سیلنگن لیگی مناسبتی بیلن اوز تبریک لری میز نی بیلدیریب, اونینگ موفقیت لری نی آرزو ایتیب قاله میز" دییه قید ایتیلدی.  

اوشبو پیامده میرضیایف نینگ جمهوررئیس لیگی دوریده ترکیه بیلن اوزبیکستان آره سیده گی علاقه لرنینگ کینگ کولملده رواجلنتیریلیشی اوچون سعی و حرکت لرنینگ دوام ایته دیگن لیگی معلوم قیلیندی.  

عینی دمده پیامده, ترکیه نینگ اوزبیکستانده رفاه سویه سی نینگ آرتریلیشی بوییچه میرضیایف نینگ اقدام لری نی حمایه لیدیگن لیگی بیلدیریلدی.

اوزبیک لر نینگ یکشنبه کونی ایرته لب کتته قیزیقیش بیلن رای بیریب باشله گن اوشبو سیلاو دایره سیده جمهوررئیس لیگی نینگ سرپرستی شوکت میر ضیایف داخل تورت کاندید رقابت ایتگن ایدی. 

محلی وقت بیلن ایرته لب ساعت ۶ ده آچیلگن صندوق لر آقشام ساعت ۸ ده یاپیلدی. 

سیلاو سببلی اولکه نینگ کتته شهر لریده لینی موتر لر انسان لر نی تیکین گه انتقال ایتتیردی. 

اوشبو سیلاو لر گه اشتراک میزانی نینگ انچه یوکسک ایکن لیگی بیلدیریلدی. 

سیلاو لر دایره سیده, ملی شاه له نیش دموکرات حزبی نینگ رهبری سرور آته مرادوف, عدالت سوسیال دموکرات حزبی نینگ رهبری نریمان عمروف, خلق دموکرات حزبی نینگ رهبری خاتم جان کیتمانوف بیلن لیبرال دموکرات حزبی دن جمهوررئیس لیگی نینگ سرپرستی باش وزیر شوکت میر ضیایف رقابت قیلدی.

قریب ۳۲ میلیون نفوس گه ایگه اوزبیکستانده تقریباً ۲۱,۵ میلیون رای بیروچی موجود ایدی. 

جمهوررئیس لیگی سیلاو لری اوچون اوزبیکستانده ۹ مینگ ۳۷۸ صدوق قوریلدی.  

جمهوررئیسی اسلام کریموف, کسل لیگی سببلی میلادی ۲۰۱۶ نچی ییلی سپتامبر آیی نینگ ۲ نچی کونیده حیات دن کوز یومگن ایدی.

شونده ی قیلیب میلادی ۲۰۱۶ نچی ییلی دسامبر آیی نینگ ۴ نچی کونیده اوزبیکستانده جمهوررئیس لیگی سیلاو لری نینگ بولیب اوتیشی گه قرار بیریلگن ایدی. 

بولیب اوتگن اوشبو سیلاو دایره سیده جمهوررئیس لیگی نینگ سرپرستی و باش وزیر شوکت میرضیایف اولکه نینگ ینگی جمهوررئیسی ایتیب سیله نیش گه موفق بولدی.