ایران ده KFC نماینده لیگی یاپیلدی

ایران ده کی ایف سی KFC نماینده لیگی یاپیلدی
فست فود ییمک زنجیرلریدن   کی ایف سی (KFC) اوتگن کون ایران نینگ باشکینتی تهران ده فعالیت گه باشله گن ایدی. بیراق اوشبو رستورانت بیر کون لیک فعالیت نینگ آرتیدن پولیس تمان یاپیلگن لیگی بیلدیریلدی. یریم رسمی خبر آژانسی تسنیم   کی ایف سی (KFC) نینگ رسمی اوله راق تهران ده آچیلگن ایلک شعبه سی نینگ فعالیت اجازه سی بولمه گن لیگی باعث پولیس تمانیدن یاپیلگن لیگی نی یازماقده دیر. خودی شو تسنیم خبر آژانسی اوتگن هفته ایران حکومتی نینگ کی ایف سی (KFC) حلال شعبه سی نینگ فعالیت قیلیشی اوچون اجازه بیرگن لیگی نی بیان ایتگن ایدی. عین دمده ایریم بیر امریکا فست فود زنجیری بولگن برگر کینگ نینگ هم ایران ده فعالیت آلیب باریشی اوچون اجازه بیریلگن لیگی نی بیلدیرگن ایدی.
ایران تجارت اتاقی باشلیغی علی فضلی موضوع بیلن علاقه لی اوله راق ایرنا خبری آژانسی گه بیانات بیردی. ایران ده آچیلگن حلال کی ایف سی  KFC نینگ امریکالیک فست فود زنجیری بیلن علاقه سی بولمه گن لیگی نی معلوم قیلیب، دینی رهبر خامنه یی دن ییتیب کیلگن دستورالعمل گه بناً غربی مارک لرگه اولکه ده فعالیت آلیب باریشی گه اجازه بیرمه گن لیکلرینی بیلدیردی.