عمران خان خاتینی نینگ طلاقی نی بیردی

پاکستانده تحریک انصاف حزبی نینگ رهبری بولگن عمران خان ایککی تمانلمه اوله راق موافقه قیلیب عیالی ریهام خان دن اجره لدی.
اوشبو مطلب نی بوگون (جمعه) ایرته لب تحریت انصاف نینگ سوزلاوچی سی نعیم الحق بیلدیردی.
آلدین هم اوشبو ایر- خاتین آره سیده ایریم قیین چیلیک لرنینگ موجود ایکن لیگی گه تیگیشلی ایریم میش- میش لر موجود ایدی.
اسمی نینگ بیریلمس لیگی کیره ک ایکن لیگی نی بیلدیرگن تحریک انصاف رهبریتی گه یقین بیر کیشی, ریهام خان نینگ فعال بیر شکلده سیاست قیلیش نی آرزو ایتگن لیگی و عمران خان نینگ ایسه اوشبو موضوع گه مخالفت بیلدیرگن لیگی نی معلوم قیلدی.
اوشبو طلاق نینگ اساسی سببی نینگ خودی منه شو موضوع دن عبارت ایکن لیگی بیلدیریلماقده.
عمران خان میلادی ۲۰۱۵ نچی ییلی جنوری آییده جوده عادی بیر نکاح طویی بیلن پاکستانده ژورنالست بولگن ریهام بیلن اویلنگن ایدی.
آلدین کرکت سپورتچی سی بولگن کیین چه لیک ایسه سیاست گه کیرگن عمران خان ریهام دن آلدین هم انگلیس بیر ژورنالست Jemima Goldsmith بیلن اویلنگن ایدی.
عمران خان Jemima Goldsmith بیلن ۹ ییل لیق بیر مدت بیلن اویلیک قالگن ایدی.
شونده ی قیلیب Goldsmith نینگ پاکستانده گی حیات گه عادت قیله آلمه گن لیگی سببلی میلادی ۲۰۰۴ نچی ییلی ده عمران خان بیلن عیالی Goldsmith اجره لگن ایدی.